ကြိုတင်ပြင်ဆင်ဖို့လိုတယ် ••••••••••••••••••••••••••••••

✔ ပုဂ္ဂိုလ်တစ်ဦးဟာ နှစ်သက်ရောင့်ရဲမှုတွေနဲ့ သာယာနေတဲ့ ထိုအချိန်အခါမျိုးမှာ ဗြုန်းကနဲ သေသွားခဲ့မယ်ဆိုရင် ငရဲနှင့် တိရစ္ဆာန်နှစ်မျိုးတစ်မျိုးမျိုးသော ဘုံဘဝတစ်ခုခုကို ရောက်မယ်ဆိုတဲ့ ဒီအကြောင်းအရာသည် ထင်ရှားဧကန် ရှိနေပါတယ်။

✔ ဒါက ဘာဖြစ်လို့လဲ?။ အဘိဓမ္မာတို့၏ သဘောက မျက်နှာမရွေးပါဘူး၊ နှစ်သက်သာယာမှုဖြင့် ရစ်ပတ်နှောင်ဖွဲ့ထားတဲ့ စိတ်အစဉ်တွေ ဖြစ်နေရင်း ဗြုန်းကနဲသေခဲ့ရင် သူ့ရဲ့ မရဏသန္နဇော အချိန်က နှစ်သက်သာယာမှုတွေက ဖြစ်နေပြီ။ မရဏသန္နဇောသည် အကုသိုလ်ဇောဖြစ်ရင် ကျိန်းသေအပါယ်လေးဘုံရောက်မယ်၊ ဘုရားရှင်လည်းတားလို့မရပါဘူး။

✔ ဒီမရဏသန္နဇောအထိ နှစ်သက်သာယာမှုတွေက ဖြစ်နေတုန်း ဗြုန်းကနဲသေသွားခဲ့တယ်၊ သေသွားပြီး ထိုပုဂ္ဂိုလ်သည် ငရဲနှင့် တိရစ္ဆာန်နှစ်မျိုး တစ်မျိုးမျိုးသော ဘုံဘဝရောက်မယ်ဆိုတဲ့ ဒီအကြောင်းတရားထင်ရှား ရှိနေပါတယ်။ ဘာဖြစ်လို့လဲ?။ ဒီအကုသိုလ်က အပါယ်ငရဲကို ပြစ်ချနိုင်တဲ့ စွမ်းအားရှိနေပါတယ်။

✔ ဒီလိုအချိန် မရဏသန္နဇောသည် ကုသိုလ်ဇောဖြစ်နေရင် ကောင်းရာသုဂတိကို ရောက်နိုင်ပါတယ်။ ဒါက ဘဝမဆုံးသော သူတွေအတွက်ပေါ့။အကုသိုလ်ဇောဆို အပါယ်ကိုရောက်ရမယ်။ ဒီတော့ အကုသ်ိုလ်တစ်ခုကို မိမိက နှစ်သက်မြတ်နိုးပြီး သိမ်းပိုက်ထားတယ်။ သေခါနီးအချိန်အခါ ဒင်းအပေါ်မှာ ငါမလိုချင်မနှစ်သက်တော့ပါဘူးလို့ ထပြီးကြိုးပမ်းမယ်ဆိုရင် ကြိုတင်ပြင်ဆင်မှု မရှိရင်ဖြစ်နိုင်ပါ့မလား?။ မဖြစ်နိုင်ပါဘူး။

✔ ဒါကြောင့် ဒကာကြီးတွေ စဉ်းစားကြည့်စမ်း အိမ်ထောင်ပြုကြတယ် ဆိုကြပါစို့၊ နှစ်သက်လို့ အိမ်ထောင်ပြုသလား?၊ မနှစ်သက်လို့ အိမ်ထောင်ပြုသလား?။ ဒါကရှင်းနေပါတယ်။ အဲ့ဒီ နှစ်သက်သာယာတဲ့ စိတ်ကလေးဖြစ်နေတုန်း ဗြုန်းကနဲသေရင် ဘယ်ရောက်မယ်ပြောသလဲ?၊ ငရဲနှင့် တိရစ္ဆာန်ဆို တစ်မျိုးသော ဘုံဘဝကို ရလိမ့်မယ်။ ဒီလိုဆို ဒကာကြီးတွေ ဘုန်းကြီးဝတ်ကြ၊ ဒကာမကြီးတွေ ဆရာလေးလုပ်ကြ ဟုတ်လား၊ လူပျိုကြီး, အပျိုကြီိးပဲလုပ်ကြ...။ ဘုန်းကြီးက ဒီလိုပဲ တိုက်တွန်းချင်တယ်။

✔ ဒီတော့ အပါယ်လေးဘုံမှာ ငရဲကအလေးဆုံး တိရစ္ဆာန်က အပေါ့ဆုံးပဲ။ အလေးဆုံး အပေါ့ဆုံးကို ဟိုဘက်ဒီဘက်ပိတ်လိုက်တော့ အလယ်ခေါင် ပြိတ္တာနှင့် အသူရကာယ်လည်း အကျုံးဝင်သွားပါတယ်။

✔ ဒီလိုဆိုရင် နှစ်သက်မှုတွေကို ဖြတ်တောက်ဖို့ ကောင်းလား မကောင်းဘူးလား?။ ကောင်းတယ်။ နှစ်သက်စေတဲ့အရာကို မကောင်းမှန်းသိရင် ဒါကို ငါထိန်းချုပ်မယ်ဆိုရင် ဘယ်နည်းနဲ့ ထိန်းချုပ်မှရမလဲ?၊ သမထ, ဝိပဿနာဆိုတဲ့ ဘာဝနာ လက်နက်ကောင်းရ်ှိမှသာ ထိန်းချုပ်လို့ရမယ်။ ဒီလို လက်နက်ကောင်းမရှိရင် ထိန်းချုပ်လို့ ရနိုင်ပါ့ မလား?။ မလွယ်ဘူးနော်။

✔ ဒါက ဘုရားရှင်က နှစ်သက်တဲ့ဘက်က ဟောလိုက်တာပါ။ ရာဂ ဒေါသ မောဟ စတဲ့ အကုသိုလ်ဇောစောပြီး သေသွားခဲ့ရင် ကျိန်းသေအပါယ်ရောက်ကြရမှာပါပဲ။ ဒါဆို ဒီသေခါနီးအချိန်အတွက် ကြိုတင်ပြင်ဆင်မှု မရှိရင် ဖြစ်နိုင်ပါ့မလား?။ ဖြစ်နိုင်ဖို့ အတော်လေး ခက်ခဲပါတယ်။

"ဖားအောက်တောရဆရာေ