#သီတင်းကျွတ်လအကြောင်းသိကောင်းစရာ ✿✿✿✿✿✿✿✿✿✿✿✿✿✿✿✿

 သီတင်းကျွတ်လသည် မြန်မာတို့၏ ၁၂ လရာသီတွင်
သတ္တမမြောက်လဖြစ်ပြီး ဝါတွင်းကာလ၏
နောက်ဆုံးလဖြစ်ပါသည်။

ရာသီခွင်မှာ တူရာသီဖြစ်ပြီး အဿဝတီကြယ်နှင့် လမင်းတို့ စန်းယှဉ်ကာ မွန်းတည့်ကြသည်။ ဤရာသီ၏ ပန်းမှာ ကြာဖြူပန်း (Nymphaea Lotus) ဖြစ်ပါသည်။

ယင်းတို့ကိုပင် မနုဿဗေဒ (Athropology) သဘောအရ လူ့ယဉ်ကျေးမှုသမိုင်းကြောင်းတစ်ခုအဖြစ် မြင်နိုင်ကြပါသည်။

သီတင်းကျွတ်လကို ရှေးမြန်မာကျောက်စာများ၌ `သန္တူလ´ ဟုရေးထိုး ကြသည်။ ချိန်ခွင်ပုံ ကြယ်တာရာ နက္ခတ်တို့စုဝေးသော မိုးကာလဟု လည်းကောင်း၊ တောင်သူလယ်သမားတို့ စိုက်ပျိုးထားသောစပါးပင်များ
သန်စွမ်းစွာထောင်မတ်သောလ ဟုလည်းကောင်း ပညာရှိများ ဖွင့်ဆိုကြသည်။

မြန်မာတို့သည် စိတ်ရင်းရိုးသားတည်ကြည်ကြသူများ
ဖြစ်သည်နှင့်အညီ စစ်မှန်သောဗုဒ္ဓသာသနာတော်ကို လွန်ခဲ့သောနှစ်ပေါင်းများစွာကပင် သိက္ခာကာမ၊
ဂန္ထကာရက၊ ပရိယတ္တိဝိသာရဒ၊ လဇ္ဇီပေသလ စသည့်
တစ်ဖြာ ဂုဏ်ဝေဖြာသည့် သာသနာပြု ရဟန်းတော်များနှင့် တိုင်းချစ် ပြည်ချစ် မင်းတရားစစ်တို့ကြောင့် သက်ဝင်ယုံကြည်ဆည်းကပ် ကိုးကွယ်ခွင့် ရကြပြန်သောအခါ ဗုဒ္ဓမြတ်စွာ၏ အဆုံးအမတရားတော်များနှင့်
လိုက်လျောညီထွေစွာ အေးချမ်းပျော်ရွှင်ဖွယ်
ကောင်းသော လူနေမှုဘဝများဖြင့် လောကဓံတရားများကို ရင်ဆိုင်ကျော်လွှားနိုင်သော၊ ရောင့်ရဲတင်းတိမ်တတ်သောစိတ်နှလုံးကို ခေတ်အဆက်ဆက်ပိုင်ဆိုင်ခဲ့ကြသူများဖြစ်ကြသည်။

ဤစိတ်ဓာတ်များအရင်းခံဖြင့် ၁၂ လရာသီရှိသည့် အနက် လပြည့်လကွယ်နေ့တိုင်းတွင် ရတနာသုံးပါးအား ရည်စူး၍ အလှူအတန်းများ၊ ကောင်းမှုကုသိုလ်များပြုလုပ်လေ့ရှိကြသည်။

သီတင်းကျွတ်မီးထွန်းပွဲတော်သည်
မြန်မာတို့၏ ၁၂ ရာသီပွဲတော်များတွင် ထင်ရှားသောပွဲတော်တစ်ခုဖြစ်ပြီး ပွဲတော်စတင်ကျင်းပခဲ့သည် အစဉ်အလာမှာ
ဘုရားရှင် သက်တော်ထင်ရှားရှိခဲ့စဉ်အခါကပင်
ဖြစ်ပါသည်ဟု ပြောဆိုနိုင်ကောင်းပါသည်။

အဘယ်ကြောင့်ဆိုသော် ယခုကျင်းပသည့် သီတင်းကျွတ်လ မီးထွန်းပွဲတော်အစဉ်အလာများသည် ယင်းမှတစ်ဆင့် ကူးစပ်ဆင့်ပွားလာခြင်းကြောင့် ဖြစ်ပါသည်။
ယင်းခေတ်အခါနှင့်ယခုခေတ်အခါတို့ မတူသော်ငြားလည်း ရည်ရွယ်ချက်များတူညီနိုင် ကြမည်ပင်။

ဗုဒ္ဓမြတ်စွာဘုရားရှင်သည် သတ္တမမြောက်ဝါကို
တာဝတိံသာ နတ်ပြည်၌ ဝါကပ်တော်မူပြီး
မယ်တော်ဖြစ်ခဲ့ဖူးသော သန္တုဿီတ နတ်သားအား အမှုးပြု၍
စကြဝဠာနေရာအနှံ့မှ နတ်ဗြဟ္မာအပေါင်းတို့ အား
အဘိဓမ္မာတရားတော်မြတ်ကိုဟောကြားတော်မူသည်။

သီတင်းကျွတ်လပြည့်နေ့ရောက်သောအခါ ဘုရားရှင်သည် နတ်ဗြဟ္မာအပေါင်းခြံရံကာ ရွှေစောင်းတန်း၊ ငွေစောင်းတန်း၊ ပတ္တမြားစောင်းတန်းများဖြင့် စီခြယ်အပ်သော
ရတနာစောင်းတန်းဖြင့် လူ့ပြည်ဖြစ်သော
သင်္ကဿနဂိုရ်ပြည်သို့ပြန်လည်ဆင်းသက်ကြွမြန်းတော်မူသည်ဟု ဗုဒ္ဓဘာသာစာပေ အဋ္ဌကထာများက ဆိုကြပါသည်။

ထိုအခါသမယတွင် ပြည်သူပြည်သားအပေါင်းတို့က မီးရှူး မီးတိုင်များ၊ မီးပန်းများ၊ ဆီမီးများ၊ ဆွမ်းပန်းရေချမ်းများဖြင့် ကပ်လှူပူဇော်ကြသည်။ တာဝတိံသာနတ်ပြည်ရှိ စူဠာမဏိစေတီတော်ကိုလည်း ပူဇော်သည့် အထိမ်းအမှတ်ဖြင့်
မီးပုံးများပြုလုပ်၍ ကောင်းကင်သို့လွှတ်တင် ပူဇော်ကြသည်။
ထိုကဲ့သို့ပူဇော်ကြသည်ကိုအကြောင်းပြုကာ
ယနေ့ခေတ်အခါတိုင်အောင် မြန်မာတစ်နိုင်ငံလုံး၌
နှစ်စဉ်ကျင်းပပြုလုပ်မြဲဖြစ်သည်ဟုမှတ်သားရပါသည်။

ဗုဒ္ဓ၏အဆုံးအမ၌တည်ကြသော မြန်မာတို့သည်
အသက်ဂုဏ်ဝါကြီးသူ၊ မြင့်မြတ်သူတို့အပေါ်တွင်
ငယ်သူ၊ နိမ့်ကျ သူတို့က ရိုသေလေးစား၍ ပူဇော် ကန်တော့လေ့ရှိကြသည့်အတိုင်း ၀ါကျွတ်သောအချိန်
ဤထူးမြတ်သောအခါသမယတွင် တတ်နိုင်သမျှ ပူဇော်သက္ကာရတို့ဖြင့် သက်ကြီးဝါကြီးများ၊ မိဘဆရာများကို ပူဇော်ကန်တော့ကြသည့် ဓလေ့များကိုလည်း တွေ့မြင်ကြရပါသည်။

ထို့အပြင် ဤအချိန်ကာလသည် မြန်မာတို့၏ တစ်ဦးကိုတစ်ဦး ရိုသေလေးစားတတ်သောသဘော၊ မာန်မာနကို နှိမ့်ချတတ်သောသဘော၊ အပြန်အလှန် မေတ္တာစေတနာထားတတ်သောသဘော စသည့်
အမျိုးကောင်း သားသမီးတို့၏ ယဉ်ကျေးသိမ်မွေ့သော စိတ်နေစရိုက်ကိုဖော်ကျူးပြသနေသောအမျိုးဂုဏ်ကို
မြှင့်တင်ပေးနေသည့် ရိုးရာအစဉ်အလာ အချိန်အခါ
ဖြစ်သည်နှင့်အညီ အစ်ကို၊ အစ်မများ ညီငယ်ညီမငယ်များအားလုံးတို့သည်လည်း ရခိုင်သူမြတ်ရေးသည့် လောကသာရ ဆုံးမစာအတိုင်း `ကောင်းသောအကြံ၊ မှန်သောအကျင့်၊ သင့်သောအယူ၊ ဖြူသောနှလုံး´ တို့ဖြင့် သီတင်းကျွတ်လ မီးထွန်းပွဲတော်ကို ပျော်ရွှင်စွာ ပါဝင်ဆင်နွဲနိုင်ကြပါစေဟု ဤစာ၏ နိဒါန်းအချီအနေဖြင့် ဆုတောင်းဆန္ဒပြုလိုက်ပါသည်။

မြတ်စွာဘုရားရှင် အလောင်းတော်ကို မဟာသက္ကရာဇ် ၆၈ ခု၊ ကဆုန်လပြည့်နေ့ တွင် မိခင်မာယာဒေ၀ီ မှ
ဖွားမြင်တော်မူခဲ့ပါသည်။ ဖွားမြင်တော်မူပြီးသည့်နောက်
(၁၆)နှစ် အရွယ်မှာ ယသော်ဓရာ နှင့် ထိမ်းမြား
လက်ထပ်တော်မူခဲ့ပါသည်။

အသက် (၂၉)နှစ်မှာ သားတော် ရာဟုလာ ကို ဖွားမြင်သောညမှာပင် ကာမဂုဏ်၏အပြစ်တို့ကိုတွေ့ပြီး
ငြီးငွေ့တော်မူသဖြင့် နန်းစည်စိမ်နှင့်တကွ အားလုံးကိုစွန့်လွှတ်ပြီး ဥရုဝေလတောကို ဝင်ခဲ့ပါသည်။

ဥရုဝေလမှာ ပင်ပန်းဆင်းရဲသော ဒုက္ကရစရိယ အကျင့်ကို ၆နှစ် ကာလပတ်လုံး ကျင့်ခဲ့ပါသည်။ ဘုရားအလောင်းတော်သည် မဂ်ဉာဏ်၊ ဖိုလ်ဉာဏ်နှင့် သဗ္ဗညုတဉာဏ်တော်အတွက်
မည်သို့မျှအထောက်အကူမပြုသော ထိုအကျင့်များကို
စွန့်လွှတ်ပြီး "မဇ္ဈိမပဋိပဒါ" ဆိုသည့် မဂ္ဂင်ရှစ်ပါး အကျင့်ကို ကိုယ်တော်တိုင်ကျင့်သုံးတော်မူခဲ့ပါသည်။
ထိုမဂ္ဂင်ရှစ်ပါးအကျင့်ဖြင့် ဂေါတမဘုရားရှင်သည်
မဟာသက္ကရာဇ် (၁၀၃)ခုနှစ်၊ ကဆုန်လပြည့်နေ့ တွင် သမ္မာသမ္ဗုဒ္ဓ ဘုရားအဖြစ်သို့ ရောက်ရှိတော်မူခဲ့ပါသည်။

ဘုရားဖြစ်ပြီးနောက်-
(၁) ပလ္လင်္ကသတ္တာဟ။ ။ဘုရားဖြစ်သော ဗောဓိပင်ရင်းနေရာ (ပလ္လင်)ထက်တွင် ကဆုန်လပြည့်ကျော် (၁) ရက်နေ့မှ
(၇) ရက်နေ့အထိ ၀ိမုတ္တိသုခ (သံသရာမှ လွတ်မြောက်ခြင်းချမ်းသာ) ကို ခံစားလျှက် သီတင်းသုံးတော်မူခဲ့ပါသည်။

(၂) အနိမိသ သတ္တာဟ။ ။ဗောဓိပင်၏အနီး
အရှေ့မြောက်အရပ် တည့်တည့် (၁၄)လံအကွာ နေရာမှာ ကဆုန်လပြည့် ကျော် (၈)ရက်နေ့မှ (၁၄) ရက်နေ့အထိ (၇)ရက် ထပ်မံ သီတင်းသုံးတော်မူခဲ့ပါသည်။ ငါသည်
ပါရမီများ ဖြည့်ခဲ့သောကြောင့် ဤပလ္လင်ထက်မှာ
မာရ်(၅)ပါးကိုအောင်မြင်ပြီး ဘုရားဖြစ်ခဲ့ပြီ ဟုဆင်ခြင်ကာ ဖြောင့်ဖြောင့်မတ်မတ် ရပ်နေတော်မူကာ အပရာဇိတပလ္လင်ကို
မမှိတ်သောမျက်စိဖြင့် (၇)ရက်လုံး ကြည့်ရှု ၀မ်းမြောက်နေတော်မူခဲ့ပါသည်။
(အ= မ။ နိမိသ= မျက်စိမှိတ်သည်။ အနိမိသ= မျက်စိမမှိတ်ပဲ)

(၃) စင်္ကမ သတ္တာဟ။ ။ကဆုန်လကွယ်နေ့မှ နယုန်လဆန်း (၆)ရက်နေ့အထိ (၇)ရက်တွင် ဗောဓိပင်ပလ္လင်နဲ့ အနိမိသ သတ္တာဟ အကြား စင်္ကြံလျှောက်တော်မူကာ (၇)ရက် ထပ်မံသီတင်းသုံးတော်မူခဲ့ပါသည်။ ယင်းနေရာမှာ
နတ်တို့က “ရှင်ဂေါတမသည် ဗောဓိပလ္လင်၌
တပ်မက်နေသေးသည်၊ ဘုရားစင်စစ်မဖြစ်သေး”ဟု ယုံမှားသံသယဖြစ်ကြသည်။ ထိုယုံမှားပျောက်စေရန်
ရေအစုံ၊ မီးအစုံ ယမကပြာဋိဟာ ပြတော်မူခဲ့ပါသည်။
စင်္ကြံ ကြွရင်း တရားဆင်ခြင်၊ ဖလသမပတ်
ဝင်စားသောကြောင့် စင်္ကမ သတ္တာဟ ဟုခေါ်ပါသည်။

(၄) ရတနာဃရ သတ္တာဟ။ ။ဗောဓိပင်၏
အနောက်မြောက် (၁၀)လံအကွာတွင်နတ်များ
ဖန်ဆင်းပူဇော်သော ရတနာရွှေအိမ်ထက်၌ နယုန်လဆန်း (၇) ရက်နေ့မှ (၁၃)ရက်အထိ အဘိဓမ္မာတရားတော်ကို ဆင်ခြင်တော်မူပါသည်။ အဘိဓမ္မာ ရှေးဦး(၆)ကျမ်းကို ဆင်ခြင်ရာတွင် ရောင်ခြည်တော် ကွန့်မြူးခြင်း မရှိသေးပါ။
နောက်ဆုံး ပဋ္ဌာန်းဒေသနာတော်ကြီးကို
ဆင်ခြင်သုံးသပ်တော်မူသောအခါမှသာ
ရောင်ခြည်တော် (၆)သွယ်
ကွန့်မြူးထွက်ပေါ်လာခဲ့ပါသည်။

(၅) အဇပါလသတ္တာဟ။ ။ဒီနေရာကို ဆိတ်ကျောင်းသမားတွေနေတဲ့ ညောင်ပင်လို့ ဆိုပါတယ်။ ဗောဓိပင်ရဲ့ အရှေ့ဘက် (၃၂)လံ အကွာမှာ နယုန်လဆန်း (၁၄)ရက်နေ့မှ နယုန်လပြည့်ကျော် (၅)ရက်အထိ (၇)ရက်
သီတင်းသုံးတော် မူပါတယ်။ ဒီနေရာမှာပဲ မာရ်နတ်ရဲ့သမီး (၃) ယောက် ဖြစ်တဲ့ (တဏှာ၊ အရတီ၊ ရာဂါ) တို့က ဘုရားရှင်ကို မိန်းမမာယာဖြင့် ဖြားယောင်းဖို့ ကြိုးစားခဲ့ကြပါတယ်။ သို့ပေးမယ့် ဘုရားရှင်က တုန်လှုပ်ခြင်း မရှိခဲ့ပါဘူး။

(၆) မုစလိန္ဒ သတ္တာဟ။ ။ဗောဓိပင်၏ အရှေ့တောင်ဘက် (၁၅)လံ အကွာ၊ မုစလိန္ဒာအိုင် အနီး ကျဉ်းပင်အောက်မှာ နယုန်လပြည့်ကျော် (၆)ရက်နေ့မှ နယုန်လပြည့်ကျော် (၁၂)ရက်နေ့ထိ (၇)ရက် သီတင်းသုံးတော် မူခဲ့ပါသည်။
ထိုနေရာကို သီတင်းသုံးစဉ်မှာ အခါမဲ့ မိုးရွာခဲ့သောကြောင့် မုစလိန္ဒာအိုင် နဂါးမင်းသည် တန်ခိုးနှင့်လိုရာကို ဖန်ဆင်းနိုင်သော်လည်း သူ၏ပကတိ ကိုယ်တော်နှင့်သာ ပါးပြင်းမိုးပြီး ရာသီဥတုဒဏ်ကနေ ကာကွယ်ပူဇော်ခဲ့ပါသည်။

(၇) ရာဇာယတန သတ္တာဟ။ ။ဗောဓိပင်၏ တောင်ဘက် (၄၀)လံ အကွာ၊ လင်းလွန်းပင်ရင်းမှာ နယုန်လပြည့်ကျော် (၁၃)ရက်မှ ၀ါဆိုလဆန်း (၄)ရက်နေ့ အထိ (၇)ရက် ပတ်လုံး
ဖလသမာပတ် ဝင်စားပါသည်။ (၇) ရက်ပြည့်တဲ့နေ့ ဘုရားရှင် အစာအာဟာရမှီဝဲရန် လိုအပ်နေချိန်မှာ ရာမညတိုင်း၊ ဥက္ကလာဇနပုဒ်၊ ပေါက္ကရဝတ္တီဇနပုဒ်မှ ကုန်သည်ညီနောင် တပုဿ၊ ဘလ္လိက တို့က ဘုရားရှင်ကို မုန့်ကျစ်ဆုပ် ဆပ်ကပ်ခဲ့ပါသည်။ ယင်းကုန်သည်ညီနောင်ကို သံဃာမရှိသေးသည့်ကာလဖြစ်သည့် အတွက် ဒွေဝါစိက သရဏဂုံ(၂)ပါးကိုသာ ချီးမြှောက်ခဲ့ပါသည်။ ဆံတော် (၈)ဆူ စွန့်တော်မူခဲ့ပါသည်။ ယင်းဆံတော်တို့ကို သူတို့၏အရပ်သို့ ပြန်ရောက်သောအခါ စေတီထဲတွင်
ဌာပနာပြုခဲ့ကြောင်း မှတ်သားရပါသည်။

ဗုဒ္ဓစာပေများအရ မြတ်စွာဘုရားသည် ပထမဝါကို မိဂဒါဝုန် တွင် ဝါကပ်တော်မူပြီး၊ ဒုတိယဝါ၊ တတိယဝါ၊ စတုတ္ထဝါ တို့ကို
ရာဇဂြိုဟ်ပြည် ဝေဠုဝန်ကျောင်း၊ ပဉ္စမဝါ ကို ဝေသာလီပြည်၊
ဆဋ္ဌမဝါ ကို မကုဋတောင် စသော နေရာဌာနများမှာ ဝါကပ်တော်မူခဲ့ပါသည်။ သတ္တမ၀ါကို တာဝတိံသာ
နတ်ပြည်မှာ ၀ါကပ်တော်မူပြီး မယ်တော်ဖြစ်ခဲ့ဖူးသော သန္တုဿိတ နတ်သားကို အမှူးထားကာ တာဝတိံသာနတ်ပြည်ရှိ ပင်လယ်ကသစ်ပင်ရင်း ပဏ္ဍုကမ္ဗလာ
မြကျောက်ဖြာထက်တွင် အဘိဓမ္မာဒေသနာတော် ကို ဝါတွင်းသုံးလပတ်လုံး အသံမစဲ ဟောတော်မူခဲ့ပါသည်။
"မယ်တော်မိနတ်၊ ကျေးဇူးဆပ်၊ ဟောလတ်ဘိဓမ္မာ"
ဟုလည်း ရှေးလူကြီးသူမများ ပြောဆိုရေးသားခဲ့ကြပါသည်။

ဝါဆိုလပြည့်ကျော် (၁) ရက်နေ့မှ သီတင်းကျွတ်လပြည့်နေ့
အထိ ရက်ပေါင်း (၉၀)၊ ဝါတွင်း (၃) လတွင်

၁။ ဓမ္မသင်္ဂဏီကျမ်း ကို (၁၂) ရက်

၂။ ၀ိဘင်းကျမ်းကို (၁၂) ရက်

၃။ ဓာတုကထာကျမ်းကို (၆) ရက်

၎။ ပုဂ္ဂလပညတ်ကျမ်းကို (၇) ရက်

၅။ ကထာဝတ္ထုကျမ်းကို (၈) ရက်

၆။ ယမိုက်ကျမ်းကို (၂၀) ရက်

၇။ ပဋ္ဌာန်းကျမ်းကို (၂၅) ရက်

ဟောတော်မူခဲ့ပါသည်။

အဘိဓမ္မာတရား ဒေသနာတော်ကို နည်း (၃) နည်း ဖြင့် ဟောကြားခဲ့ပါသည်။

(၁) အတိဝိတ္ထာရ ဒေသနာ (အကျယ်နည်း)
~~~~~~~~~~~~~~~~~~~~~~~~~~
ဗုဒ္ဓမြတ်စွာသည် မယ်တော်ကို ကျေးဇူးဆပ်လိုခြင်း၊
မိဘကျေးဇူးကို သတ္တဝါတို့နားလည်စေလိုခြင်း၊
အဘိဓမ္မာတရားကို အစအဆုံး တစ်ထိုင်တည်း
ဟောကြားလိုခြင်း၊ အစအဆုံး တစ်ထိုင်တည်းဟောမှ
နာကြားရသော တရားနာသူတို့ အကျိုးထူး ရနိုင်ခြင်း၊ အဘိဓမ္မာဒေသနာတော်၏ ကျယ်ဝန်းနက်နဲမှုကို သိစေလိုခြင်း၊ လူတို့သက်တမ်းနှင့် သုံးလလောက်ဟောမှ
ကုန်နိုင်မည့်တရားဖြစ်သည့်အတွက် လူတို့ ဣရိယာပုထ်ဖြင့် ဟောသူရော နာသူပါ မနေနိုင်ခြင်း တို့ကြောင့် အဘိဓမ္မာအကျယ်နည်းကို တာဝတိံသာနတ်ပြည်၌ ဟောရခြင်းဖြစ်ပါသည်။

(၂) အတိသင်္ခေပဒေသနာ (အကျဉ်းနည်း)
~~~~~~~~~~~~~~~~~~~~~~~~~~
မြတ်စွာဘုရားသည် လူသားဖြစ်တော်မူသည့်အတွက်
ဆွမ်းခံခြင်း ဆွမ်းစားခြင်း ရေချိုးသန့်စင်ခြင်း စသည် ပြုလုပ်ရန် နိမ္မိတရုပ်ပွားတော်ကို အဓိဋ္ဌာန်ဖြင့်ဖန်ဆင်းပြီး လူ့ပြည်သို့ ကြွတော်မူရာတွင် ဟိမဝန္တာ စန္ဒကူးတော၌ နေ့သန့်စင် (အနားယူ) တော်မူပါတယ်။
ထို စန္ဒကူးတောတွင် အရှင်သာရိပုတ္တရာမထေရ်သည်
မြတ်စွာဘုရားအား ဝတ်ကြီးဝတ်ငယ် ပြုစုခစားခိုက်
မြတ်စွာဘုရားက အရှင်သာရိပုတ္တရာအား အဘိဓမ္မာ
တရားကို အကျဉ်းချုပ်နည်းဖြင့်ဟောတော်မူပါသည်။

(၃) နာတိ ဝိတ္ထာရ နာတိသင်္ခေပ ဒေသနာ (မကျဉ်းမကျယ်နည်း)
~~~~~~~~~~~~~~~~~~~~~~~~~~
အရှင်သာရိပုတ္တရာက မြတ်စွာဘုရား ဟောခဲ့သည့်
အကျဉ်းနည်းကို တပည့်ရဟန်းငါးရာတို့အား
မကျဉ်းမကျယ်နည်းဖြင့် ပြန်လည်ဟောတော်မူပါသည်။
နောက်တစ်နေ့တွင် အရှင်သာရိပုတ္တရာက တပည့်ရဟန်းငါးရာကို ဟောကြားသောအဘိဓမ္မာ ဒေသနာတော်အား မြတ်စွာဘုရား ထံမှောက်၌ ပြန်လည်တင်ပြ အစစ်ဆေးခံရာ မြတ်စွာဘုရားက နားထောင်၍ လက်ခံအတည်ပြုတော်မူခဲ့ပါသည်။

ဤသို့ဖြင့် အဘိဓမ္မာ ဒေသနာတော်ကြီးသည်
ခုနစ်ဝါမြောက်ဖြစ်သော မဟာသက္ကရာဇ် ၁၀၉ ခု
ဝါဆိုလပြည့်ကျော် (၁)ရက် မှ သီတင်းကျွတ်
လပြည့်နေ့အထိ (၃)လအတွင်း နည်း(၃)နည်းဖြင့်
လူ့ပြည်၊ နတ်ပြည် တပြိုင်တည်း ပေါ်ထွန်းခဲ့ပါသည်။

ဗုဒ္ဓမြတ်စွာဘုရားရှင်သည် အဘိဓမ္မာဒေသနာတော်ကို ဟောကြားပြီး တာဝတိံသာနတ်ပြည်မှ သင်္ကဿနဂိုရ်ပြည်သို့ သီတင်းကျွတ်လပြည့်နေ့တွင်ဆင်းသက်တော်မူခဲ့သဖြင့် မြတ်သောနေ့ အဖြစ်သတ်မှတ်ကြပါသည်။ ဘုရားရှင် ဆင်းသက်ကြွမြန်းလာသည်ကို ရည်စူးပြီး ဘုရားရှင်အား ပူဇော်သောအားဖြင့် ဆီမီးထွန်းကာ မီးထွန်းပွဲကျင်းပသော အစဉ်အလာသည် ရှေးဘိုးဘေးဘီဘင်များ လက်ထက်ကပင် ရှိခဲ့ပါသည်။

ထို့အပြင် ဘုရားရှင်သည် မယ်တော်ဖြစ်ခဲ့ဖူးသော
နတ်သားကို တာဝတိံသာနတ်ပြည်၌ အဘိဓမ္မာခုနစ်ကျမ်းကို ဟောကြားတော်မူပြီးနောက် သီတင်းကျွတ် လပြည့်နေ့တွင် လူပြည်သို့ သက်ဆင်းတော်မူသည်ကို အကြောင်းပြုလျှက်
ဤနေ့ကို “အဘိဓမ္မာအခါတော်နေ့” ဟု သမုတ်ကာ အဘိဓမ္မာရွတ်ဖတ်ပူဇော်ပွဲများလည်း ကျင်းပကြပါသည်။

တစ်နည်းဆိုလျှင် သီတင်းကျွတ်လပြည့်နေ့ကို
“ဘုရားဆုပန်နေ့” ဟူ၍လည်း ခေါ်ဆိုနိုင်ပါသည်။
ဘုရားရှင် တာဝတိံသာမှ ဆင်းသက်တော်မူသောအခါ လကျာင်္ဘက်ရွှေစောင်းတန်းက နတ်ဒေ၀တာများ၊
လက်ဝဲဘက် ငွေစောင်းတန်းက ဗြဟ္မာများ ခြံရံလိုက်ပါကာ ကိုယ်တော်တိုင် အလယ်က ပတ္တမြားစောင်းတန်းဖြင့် ဆင်းသက်တော်မူပါသည်။ ထိုသို့ နတ်ဗြဟ္မာများခြံရံလိုက်ပါ၍ ဆင်းသက်တော်မူလာသည့် ဘုရားရှင်၏
တုနှိုင်းဖွယ်မရှိ တင့်တယ်ပြည့်စုံသော အသရေ တော်ကို ဖူးမြင်ကြရသောအခါ (၃၆)ယူဇနာ အတွင်းရှိသော ပရိသတ်အားလုံး ဘုရားကိုအားကျ၊ ဘုရားဖြစ်ချင်စိတ်များ ပေါ်လာကာ ဘုရားဆုကို တောင်းကြပါသည်။
ထို့အတွက်ကြောင့် “ဘုရားဆုပန်နေ့” ဟုခေါ်ဆိုထိုက်ပါသည်။

သီတင်းကျွတ်လပြည့်နေ့တွင် ဝါတွင်းသုံးလ ကုန်ဆုံး ကျွတ်လွတ်သောနေ့ဖြစ်သဖြင့် ၀ါဆိုတော်မူကြကုန်သော သံဃာတော် အရှင်မြတ်တို့ လွတ်လွတ်ကျွတ်ကျွတ်သွားလာ သီတင်းသုံးနိုင်သည့် အခွင့်အရေးကို ရရှိကြပါသည်။ ထိုနေ့အထိဝါဆိုကြသည့် သံဃာများသည်
အလွန်အကျိုးထူးသော ကထိန်အလှူကို ခံယူထိုက်သော အခွင့်အရေး လည်းရရှိကြပါသည်။

{{အသျှင်ဉာဏုတ္တရ (သီရိလင်္ကာ)ကို
ခရက်ဒစ်ပေးပါသည်အရှင်ဘုရား _/\_}}

အချုပ်အားဖြင့်ဆိုရသော်သီတင်းကျွတ်လပြည့်နေ့သည်
ရဟန်းတော်များ ၀ါကျွတ်သောနေ့၊ အပြစ်ရှိက ပြောကြားပါရန် အချင်းချင်း ဖိတ်ပန်အမှုပြုကြသော ပ၀ါရဏာနေ့၊ ဘုရားရှင် တာဝတိံသာနတ်ပြည်၌ အဘိဓမ္မာတရားတော်ကို ဟောကြားပြီးမြောက် အောင်မြင်တော်မူသော အဘိဓမ္မာအခါတော်နေ့၊ နတ်ဗြဟ္မာအပေါင်းခြံရံလျက် တာဝတိံသာမှ သင်္ကဿနဂိုလ်ပြည်သို့ ဆင်းသက်တော်မူသောနေ့၊ ထိုသို့ဘုရားရှင် ဆင်းသက် တော်မူသည်ကို
ရည်စူး ပူဇော်သောအားဖြင့် ဆီးမီးစသည့်
ထွန်းညှိပူဇော်သောနေ့၊ ဗြဟ္မာ နတ် လူ သုံးဘုံသူတို့ ဘုရားရှင်အား အတူတကွ ကြည်ဖြူပူဇော်သောနေ့၊ နတ်လူအများ ဘုရားဆု ပန်သောနေ့ စသော ဂုဏ်ထူးဝိသေသအဖုံဖုံနှင့် ပြည့်စုံသော နေ့ထူးနေ့မြတ် ပင် ဖြစ်ပါသည်။

ဤကဲ့သို့နေ့ထူး၊ နေ့မြတ်မှာ ဓမ္မမိတ်ဆွေ သူတော်ကောင်းများအားလုံး သတိပဋ္ဌာန်တရားတော်များကို နာယူကျင့်ကြံ အားထုတ်နိုင်ကြသဖြင့် ဒုက္ခခပ်သိမ်းကင်းငြိမ်းရာ အမြိုက်နိဗ္ဗာန်ကို ရနိုင်ကြပါစေဟု ဆုတောင်းပြီး ဤဆောင်းပါးကို နိဂုံးချုပ်လိုက်ရပါသည်။