မိုးကုတ်ဆရာတော်ဘုရားကြီး၏ တစ်ဘ၀သာသနာ

စိတ်တွေက ဘယ်ကပေါ်လာတာလဲ ***********************
"စိတ်တွေ လိုအပ်တဲ့အခါ ပေါ်လာဖို့ရာ လူတစ်ယောက်၏ဗိုက်ထဲမှာ အပြည့်သိပ် အောင်းခိုနေသလား" မေးလျှင်မဟုတ်ပါ၊ အောင်းခိုနေတဲ့စ်ိတ်ရယ်လို့ မရှိပါ။
"ဒါမှမဟုတ် အပြင်ဘက်မှာ တစ်နေရာရာ၌ ဖြစ်ပေါ်လာဖို့ရာ အသင့် အနေအထား စုပုံပြီးသားရှိသလား" ဤသို့လည်းမရှိပါ၊ ဆိုရရင်အကြောင်းတွေ ညီညွတ်တဲ့အခါ ပေါ်ပေါက်လာတဲ့ သဘောသာဖြစ်သည်။
ဥပမာ - နေအရှိန် ကျရောက်ပါက
မီးထ၍တောက်တတ်သော ကျောက်တစ်မျိုးရှိ၏၊ ထိုကျောက်ကို နေပူခိုက်တွင် နေရောင်အောက်တွင်ချထားပါ၊ ခဏကြာလျှင် ကျောက်နှင့် နေပူရှိန်တွေ့ကြသဖြင့် မီးဖြစ်လာသည်။ ထိုအခါ အောက်ခံဖြစ်သော အ၀တ်စ ဂွမ်းစ အမှိုက်စ တို့ကိုလောင်တော့သည်။ ဤသို့ မီးလောင်လာရာ၌ ကျောက်ထဲမှာလည်း မီး-မပါ၊ နေရောင်ထဲမှာလည်း မီး-မပါ၊ သို့ရာတွင် ကျောက်နှင့် နေရောင် ပေါင်းစုံမိသောအခါတွင်ကား မီး ဖြစ်ပေါ်လာတော့သည်။ ဤသဘောအတိုင်းပင် ခန္ဓာကိုယ်ထဲမှာလည်း ခိုအောင်းနေတဲ့ စိတ်တွေ အစကမရှိပါ၊ အပြင်ဘက်တွင်လည်း ဖြစ်ပေါ်လာဖို့ အသင့်အနေအထား စုပုံပြီးသားမရှိပါ။ အာရုံနှင့်ဒွါရ ဆုံကြ၍သာ "စိတ်" ဟူသော သဘောတရားတွေ ပေါ်ပေါက်၍ လာရခြင်းဖြစ်လေသည်။

ဓမ္မ စာပေများ

 ============================== =============


 

Read More

သင်...တနေ့မုချသေမည်ကိုသိလျှင်..ဖတ်ပါ

  သေခြင်း လေးမျိုး
သုံးဆယ့်တစ်ဘုံအတွင်းရှိ သတ္တ၀ါဟူသမျှတို့သည် မိမိတို့ပိုင်ဆိုင်သော ဥစ္စာပစ္စည်းများ၊ ချစ်သောသားမယား၊ သားသမီး၊ ဆွေမျိုးမိတ်ဆွေများ၊ ရရှိထားသော ရာထူးဂုဏ်သိမ်များကို စွန့်ခွာကာ သေမင်းခေါ်ရာသို့ မသေချင်ဘဲလည်းသေမြဲဓမ္မတာအရ သေပွဲဝင်ကြရမည် ဖြစ်ပါသည်။
ထိုသို့ သတ္တ၀ါအားလုံး သေဆုံးကြရာဝယ် အောက်ပါ သေခြင်းလေးမျိုး တစ်မျိုးမျိုးဖြင့် သေပွဲဝင်ကြရသည်မှာလည်း ဓမ္မတာသဘောပင် ဖြစ်ပါသည်။
သေခြင်းလေးမျိုးဟူသည်....
အသက်တမ်းကုန်၍ သေရခြင်း၊
ကံအစွမ်းကုန်၍ သေရခြင်း၊
အသက်တမ်း၊ ကံအစွမ်း နှစ်ပါးစလုံးကုန်၍ သေရခြင်း၊
ဥပစ္ဆေဒကခေါ် ကြားကံတစ်ပါးပါးက သတ်ဖြတ်၍ သေရခြင်းတို့ဖြစ်ပါသည်။
ယင်းသေခြင်းလေးမျိုးကို ဥပမာအားဖြင့်နှိုင်းစာဆိုရသည်ဆိုသော်.....
ဆီမီးငြိမ်းရာ၌....
ဆီကုန်ခန်းခြင်း၊
မီးစာကုန်ခန်းခြင်း၊
ဆီနှင့် မီးစာ နှစ်မျိုးကုန်ခန်းခြင်း၊
ဆီနှင့် မီးစာ ရှိပါသော်လည်း လေပြင်းတိုက်ခတ်ခြင်း (သို့မဟုတ်) တမင်ငြှိမ်းသတ်ခြင်း
ဟူသောအကြောင်းလေးမျိုးရှိသကဲ့သို့ပင် ဖြစ်ပါသည်။
၁။ အသက်တမ်းကုန်၍ သေရခြင်း
ထိုထို ဘုံဘ၀တို့၌ သတ်မှတ်ထားအပ်သော အသက်တမ်းများရှိကြပါသည်။ ဤလူ့ဘ၀၀ယ်တက်ကပ်ကာလ၌ တဖြည်းဖြည်းတက်၍ အသေင်္ချေယျတိုင်အောင် အသက်တမ်းရှိ၍ ဆုတ်ကပ်ကာလ၀ယ် တဖြည်းဖြည်း ဆုတ်ကာ (၁၀) နှစ် သက်တမ်းတိုင်အောင် သက်တမ်းရှိလေသည်။
ဂေါတမဘုရားရှင်ပွင့်သောအခါ၌ သက်တမ်းသည် (၁၀၀) ရှိသည်။ယခုကာလ၀ယ် (၇၅) နှစ်သာ ရှိသည်ဟု ဆိုပါသည်။ သင့်လျော်၍ ကံပါလာကြသူတို့သည် သတ်မှတ်ထားအပ်သော အသက်တ
မ်းကို မလွန်ကြပါ။ ယင်းသတ်မှတ်ထားသော သကတမ်းကာလ၌ သေဆုံးခြင်းကို အသက်တမ်းကုန်၍ သေခြင်းဟု ခေါ်ပါသည်။
မီးစာ ရှိသေးသော်လည်း ဆီကုန်၍ မီးငြိမ်းသည်နှင့် ဥပမာတူပါသည်။
၂။ ကံအစွမ်းကုန်၍ သေရခြင်း
ဘ၀တစ်ခုကို စီမံလိုက်သောကံသည် ပဋိသန္ဓေတည်ပြုသည့်အချိန်မှစ၍ မိမိ၏သတ္တိ မကုန်သေးသမျှ ဘ၀မပြတ်အောင်၊ မသအောင် အစဉ်တစိုက်အမြဲဖန်တီးလျက်ရှိပါသည်။ ထိုမူလစီမံလိုက်သော ကံ၏အစွမ်းကို အားပေးကူညီသော အခြားကံများကလည်း ရှိနေသေးပါသည်။ ထိုမူလစီမံလိုက်သော ကံနှင့်အားပေးကူညီကြသော ကံတို့၏ အစွမ်းသတ္တိကုန်လျှင် အသက်တမ်း မကုန်သေးသော်လည်း ဧကန်မုချ သေရတော့မည်။
ဥပမာ- သက်တမ်းက (၇၅) နှစ်သက်တမ်းရှိသော်လည်း ထိုဘ၀၌ နေရမည့်ကံက (၅၀)သာပါလျှင် အသက် (၅၀)၌ သေရမည်ဖြစ်သည်။
ဆီမကုန်သေးသော်လည်း မီးစာကုန်လျှင် ဧကန်မီးငြိမ်းရသကဲ့သို့ ဖြစ်ပါသည်။
၃။ အသက်တမ်း၊ ကံအစွမ်းနှစ်မျိုးကုန်၍ သေရခြင်း
အချို့သော သတ္တ၀ါတို့အား အသက်တမ်းလည်းကုန်၊ ကံ၏အစွမ်းလည်းကုန်၍ သေကြရသည်။ ဥပမာ - အသက်တမ်း (၇၅) နှစ်ရှိသော အမျိုး၌ ဖြစ်နေသောသူသည် ကံကလည်း (၇၅) နှစ်နေရမည့် အစွမ်းပါလာသော် (၇၅) နှစ်တွင် သေရမည်။ ဆီလည်းကုန်၊ မီးစာလည်းကုန်သောကြောင့် မီးငြိမ်းနေသည့်သဘောနှင့် တူပါသည်။
ဤဆိုအပ်ခဲ့သော သေခြင်းအကြောင်း သုံးပါးတွင် တစ်ပါးပါးကြောင့် သေခြင်းကို သေချိန်ကျ၍ သေရခြင်း (ကာလမရဏ) ဟုခေါ်သည်။
၎။ ဥပစ္ဆေဒကခေါ်ကပ်၍ သတ်ဖြတ်တတ်သောကံကြောင့် သေရခြင်း
အချို့ သတ္တ၀ါတို့အား အသက်တမ်းလည်းရှိ၊ ကံအစွမ်းလည်း ရှိနေပါလျက် ရှေးရှေးဘ၀တို့၌ ပြုအပ်သော ကပ်၍သတ်ဖြတ်တတ်သော ဥပစ္ဆေဒကံကြောင့်လည်းကောင်း အနာရောဂါဆိုးတို့နှင့် တွေ့ကြုံသေရခြင်း၊ မြေပြို၍ သေရခြင်း၊ မိုးကြိုးကျ၍ သေရခြင်း၊ သေနတ်ဗုံးဆန်မှန်၍ သေရခြင်း၊ သူတစ်ပါးက ဓား လှံ လက်နက်ဖြင့် ထိုးသတ်၍ သေရခြင်း၊ ရေနစ်သေရခြင်း စသည်များလည်း ကံတစ်ပါးကသတ်မှန်၍ သေရခြင်းမည်ပါသည်။
မီးစာဆီ နှစ်မျိုး မကုန်သေးသော်လည်း လေပြင်းတိုက်ခတ်မှု၊ တမင်ငြှိမ်းသတ်မှုကြောင့် မီးငြိမ်းခြင်းမျိုးနှင့်တူပါသည်။
ဤဥပစ္ဆေဒကကံတစ်ခုခုကြောင့် သေရခြင်းကိုအချိန်မကျသေးဘဲ သေရခြင်း(အကာလအရဏ) ဟုခေါ်ပါသည်။
သေချိန်မကျဘဲ သေရသူများ
သတ္တ၀ါတို့၏သန္တာန်ဝယ် ရှေးရှေးက ပြုခဲ့သော မကောင်းမှုလေးများ ကိုယ်စိကိုယ်ငှ အများအပြား ပါရှိတတ်ပါသည်။ ထိုကံများသည် မိမိ တို့ချည်းသက်သက် သေကြေအောင် မတတ်နိုင်သော်လည်း အဆင်ခြင် အမြော်အမြင်မရှိ၍ အစားမတတ်၊ အသွားမတတ်၊ အနေမတတ်သူများကို ဘေးဥပါဒ်ရောက်အောင် ထိုဘေးဖြင့် သေကြေပျက်စီးအောင်ကား တတ်နိုင်ကြပါသည်။
ရှေးရှေးက သူတစ်ပါးကို အငတ်ထားခဲ့ဖူးခြင်း၊ မြွေနှင့်တိုက်ခြင်း၊ အဆိပ်ခတ်သတ်ခြင်း၊ တုတ်,ဓား စသည်ဖြင့်ရိုက်သတ်ခြင်း၊ ရေနှစ်သတ်ခြင်း စသည်ဖြင့် သူတစ်ပါးသေအောင် တစ်နည်းနည်းဖြင့် ပြုခဲ့သော သူသည် ထိုကံများ အခွင့်ရသော ဘ၀ပယ် ထမင်းငတ်၍ သေတတ်၊ ရေငတ်၍ သေတတ်၊ မြွေကိုက်၍သေတတ်၊ အဆိပ်မိ၍ သေတတ်၊ လက်နက်ဖြင့်သေတတ်၊ ရေနစ်၍ သေတတ်၊ မီးလောင်၍ သေတတ်ကြလေသည်။
သူတစ်ပါးကို တစ်နည်းနည်းဖြင့် နှိပ်စက်သတ်ဖြတ်ခဲ့ဖူးသူသည် ယခုဘ၀၌ လေနာခြင်း၊သလိပ်ရောဂါရှိခြင်း၊ ပန်းနာရှိခြင်း၊ နူနာရီခြင်း၊ မကျန်းမမာရှိခြင်း စသည်ဖြင့် ညှိုးနွမ်းပင်ပန်းစွာ အသက်ရှည်နေရသည့်ပြင် ထိုရောဂါများဖြင့်ပင် သေရတတ်သည်။
ဤသို့ စသည်ဖြင့် ရှေးကံကလေးများသည် ဆင်ခြင်စဉ်းစား သတိထားတတ်သူတို့၌ နှိပ်စက်ခွင့်၊ သတ်ဖြတ်ခွင့်မရသော်လည်း မစဉ်းစား မဆင်မခြင် ရှိသူတို့ကား မကျမ်းမာအောင် သေကြေအောင်နှိပ်စက်တတ်လေသည်။
ထို့ကြောင့်....
အသက်ဥာဏ်စောင့်၊ ဥစ္စာကံစောင့်။
အသွားမတော် တစ်မုဟုတ်၊ အစားမတော်တစ်လုတ်။
ကျားရဲရာ ကြမ္မာမရိုးသာ။
ကံယုံပြီး ဆူးပုံ မနင်းရာ။
ဟူ၍ ရှေးလူကြီးသူမများက ဆိုဆုံးမထားခဲ့ခြင်း ဖြစ်ပါသည်။
ထိုစကားများ၏ ဆိုလိုရင်းသည် လူတိုင်းမှာပင် မကောင်းကျိုးပေးရန် အကုသိုလ်များ ရှေးဘ၀များစွာက တစ်မျိုးနှစ်မျိုး စသည် ပြုမိခဲ့ကြသဖြင့် ကိုယ်စီကိုငှ ရှိကြသည်။
ထိုကံများသည် အလွန်သတ္တိမထက်လျှင် သူတို့ဘာသာ အကျိုးပေးခွင်းသာအောင် မတတ်နိုင်ကြပါ။အစဉ်းစား အဆင်ခြင် မရှိသူများ၌သာ အသွားအလာ၊ အစားအသောက်၊ အနေအထိုင် မတတ်သည့်အတွက် ထိုကံများ အကျိုးပေးခွင့်ရကြပါသည်။
သို့ဖြစ်၍ အသက်ရှည်စွာ အနာကင်းမှုကို ဂရုစိုက်ခြင်း မရှိလျှင် ဥပစ္ဆေဒကကံ အခွင့်သာ၍ သက်တမ်းမစေ့ခင်က ကံအစွမ်း မကုန်သေးခင်သေရမည်မှာ မုချဖြစ်ပါသည်။(ဆက်လက်ဖေါ်ပြပါမည်)
(အရှင်ဃောသိတ၏ ဗုဒ္ဓအလိုကျသေနည်းမှတဆင့်တင်ပြသည်)
credit: မူကြိုဆရာ

မြတ်ဗုဒ္ဓ ၏ သာသနာ

Read More

 


ပါချုပ်ဆရာတော်ကြီး၏ လူတိုင်းသိသင့်သော သုခ ၄ မျိုး။
*************************************
၁။ အတ္ထိသုခ = လူတွေမျှော်လင့်ချက်အတိုင်း အောင်မြင်လာလို့ ရရှိလာတဲ့ ချမ်းသာက
“အတ္ထိသုခ” ရှိ ချမ်းသာတဲ့။ “ရှိ ” ချမ်းသာဆိုတာ ကိုယ့်မှာ စီးပွားဥစ္စာတွေ အဆင်ပြေလို့
ပစ္စည်းဥစ္စာတွေရှိတယ်။ စိန်ရွှေ ရတနာတွေရှိတယ်။ လူ့ဘ၀ လိုအပ်တာမှန်သမျှ ကိုယ့်မှာ ပြည့်

ပြည့်စုံစုံ ရှိတာကို အကြောင်းပြုပြီးတော့ “သုခသောမနဿ” ကိုယ်ချမ်းသာမှု၊ စိတ်ချမ်းသာမှု
တွေ ရကြတယ်။ ဒါကို .. မြတ်စွာဘုရားက ”အတ္ထိသုခ” ရှိလို့ ရတဲ့ ချမ်းသာမျိုးတဲ့။
အေး ...ရှိလို့ ရတဲ့ ချမ်းသာက ရှိတုန်းပဲ ချမ်းသာနိုင်တာ၊ မရှိတော့ဘူးဆိုရင် ချမ်းသာ
သုခ ဆုံးရှုံးသွားနိုင်တယ်။ ဒါကြောင့် တည်မြဲတဲ့ ချမ်းသာသုခတော့ မဟုတ်ဘူး။ ရှိနေတုန်းမှာ
ခံစားရတဲ့ သုခမျိုးပဲ။
၂။ ဘောဂသုခ = အသုံးပြုရတဲ့ ချမ်းသာ။ အသုံးပြုရလို့ ဖြစ်ပေါ်လာတဲ့ ချမ်းသာကို “ဘော
ဂသုခ” လို့ခေါ်တယ်။ တိုက်ရှိလို့ တိုက်နဲ့ နေရတယ်။ ကားရှိလို့ ကားစီးရတယ်။ မိမိလိုအင်ဆန္ဒ
တွေ ဖြည့်တင်းလို့၊ ပစ္စည်းတွေ သုံးစွဲလို့ စိတ်ချမ်းသာမှု၊ ကိုယ်ချမ်းသာမှုတွေဟာ “ဘောဂသုခ”
လို့ ခေါ်တယ်။ ရလာတဲ့ပစ္စည်းဥစ္စာကို သုံးစွဲခြင်းကြောင့် ဖြစ်ပေါ်လာတဲ့ ချမ်းသာတဲ့။
ကျန်းမာရေးကြောင့်သော် လည်းကောင်း၊ အခြေအနေတစ်မျိုးမျိုးကြောင့်သော် လည်း
ကောင်း၊ အခြေအနေ မပေးသောကြောင့်သော် လည်းကောင်း မသုံးစွဲရဘူးဆိုရင် ဒီချမ်းသာသု
ခဟာလည်း အလွယ်တကူနဲ့ ဆုံးရှုံးသွားတဲ့ ချမ်းသာသုခမျိုး ဖြစ်တယ်။ ဒါကြောင့်မို့ ဒီ“ဘောဂ
သုခ” လည်း ခိုင်မာတဲ့ ချမ်းသာမျိုးတော့ မဟုတ်ဘူး။
၃။ အာနဏျသုခ = လူတိုင်းလူတိုင်းဟာ အဆင်မပြေလို့ဖြစ်စေ၊ စီးပွားရေး တိုးချဲ့လို့ဖြစ်
စေ ကြွေးတင်နေတတ်တာတွေ ရှိတယ်။ ကြွေးရှိနေတဲ့ပုဂ္ဂိုလ်ဟာ ကြွေးအပေါ်မှာ အမြဲတမ်း
စိတ်ပူပင်ရတယ်။ အေး .. သူများဆီက ကြွေးမရှိတဲ့ ပုဂ္ဂိုလ်ကျတော့ “အာနဏျသုခ” လို့ခေါ်တဲ့
ကြွေးကင်းတဲ့ ချမ်းသာခံစားရတယ်။ ကြွေးမရှိတဲ့အတွက်ကြောင့် နားချင်တဲ့အခါ နားမယ်။ သွား
ချင်တဲ့အခါ သွားမယ်။ သို့သော် ဒီချမ်းသာတွေဟာ တစ်စုံတစ်ခုသော အတိုင်းအတာအပေါ်မှာ
မှီပြီးတော့ ရလာတဲ့ ချမ်းသာတွေဖြစ်သည့်အတွက် အဆင့်မြင့်တဲ့ ချမ်းသာမျိုးတော့ မဟုတ်ဘူး။
၎။ အန၀ဇ္ဇသုခ = နောက်ဆုံး တကယ့်ချမ်းသာဆိုတာ “အန၀ဇ္ဇသုခ” အပြစ်မဲ့ ချမ်းသာဟာ
အချမ်းသာဆုံးပဲ။ ကိုယ့်အနေနဲ့ ကာယကံအပြစ်မျိုး၊ ၀စီကံအပြစ်မျိုး၊ မနောကံအပြစ်မျိုး ဘယ်
ဘက်က လှည့်ကြည့်ကြည့် ပြစ်မှုတစ်ခု ကျူးလွန်ထားတာ မရှိဘူးဆိုလို့ရှိရင် အဲဒီပုဂ္ဂိုလ် ရရှိတဲ့
အပြစ်ကင်းစင် ပျော်ရွှင်ရတဲ့ ချမ်းသာဟာ “ရှိချမ်းသာတို့၊ စားသုံးရတဲ့ချမ်းသာတို့၊ ကြွေးကင်းတဲ့
ချမ်းသာတို့” ထက် ပိုပြီးတော့ကောင်းတဲ့ ချမ်းသာတစ်ခုလို့ မြတ်ဗုဒ္ဓက ဟောကြားထားပါတယ်။
အေး .. အခါအားလျော်စွာ ချမ်းသာသုခတွေ ရကြတယ်။ အဲဒီ ချမ်းသာသုခတွေထဲက အပြစ်မဲ့
ချမ်းသာကိုတော့ လူတိုင်းလူတိုင်း ရကြတာ မဟုတ်ဘူး။ အပြစ်မဲ့ချမ်းသာဟာ ဒီချမ်းသာ ၄ မျိုး
ထဲမှာတော့ အကောင်းဆုံးသော ချမ်းသာမျိုး ဖြစ်ပါတယ်။
ဒါကြောင့် တရားချစ်ခင် ဓမ္မမိတ်ဆွေအပေါင်းတို့ကလည်း “အန၀ဇ္ဇသုခ” လို့ ခေါ်တဲ့
အပြစ်မဲ့ချမ်းသာမျိုးကို ပိုင်ဆိုင်ခံစားနိုင်ကြပြီး ကောင်းသထက်ကောင်းအောင် ကျင့်ကြံအား
ထုတ်ကာ မြတ်နိဗ္ဗာန်ကို ရရောက်နိုင်ကြပါစေ ကုန်သတည်း။ ။
{ ၁၃၆၉ ခု၊ အဂ္ဂမဟာပဏ္ဍိတ အရှင်နန္ဒမာလာဘိဝံ (Ph.D ) ဟောကြားသော နှစ်ဦးကာလ
ဓမ္မလက်ဆောင် တရားတော်မှ ကောက်နုတ်ရေးသားပူဇော်ပါသည်။ }
(မှားယွင်းမှုများရှိသော် အစဉ်သနားသောအားဖြင့် သည်းခံခွင့်လွှတ်ပေးပါရန်
ဦးခိုက်လျှောက်ထားပါသည် ဆရာတော်အရှင်သူမြတ်ဘုရား)
ဦးသိန်းဝေ။
သုတ ဘဏ်
 

Read More

 

 Dhamma Knowledge

September 11 at 11:05pm ·

 ❀ တစ်ချို့ပုဂ္ဂိုလ်တွေက သံဃာတွေထဲမှာ အမြင်မတော်တဲ့ပုဂ္ဂိုလ်တွေကိုကြည့်ပြီး အပြစ်ဆိုကြတယ်၊ လောကမှာ အဆိုးနဲ့အ​ကောင်းဆိုတာ ဒွန်​တွဲ​နေတာ ဖြစ်တယ်၊ အဆိုးရှိရင် အကောင်းရှိမယ်၊ အနှစ်နဲ့အကာ ဆိုတာလည်း ဒွန်​တွဲ​နေတတ်တယ်၊ အဆိုးနဲ့အ​ကောင်းကို ခွဲခြားမြင်တတ်ဖို့ လိုအပ်တယ်နော်။
❀ လောကသားတွေထဲမှာ အဆိုးဆိုတာ မည်သည့်နေရာမှာမဆို ရှိတယ်၊ အဆိုးရှိရင် အကောင်းလည်း ရှိတယ်၊ အကောင်းနဲ့အဆိုးထဲမှာ အဆိုးတွေ များမလာဖို့ဘဲ အရေးကြီးတယ်၊ အကောင်းတွေ ဆက်လက်ကောင်းပြီးတော့ အကောင်းတွေ များလာဖို့ပဲ လိုအပ်တယ်ပေါ့။
❀ လောကသဘာဝကိုက အဆိုးနဲ့အကောင်းမှာ
အကောင်းက အဆိုးကို ဆွဲဆောင်ဖို့ရာ ခက်တယ်၊ အဆိုးကသာ အကောင်းကို ဆွဲဆောင်သွားတတ်တာ လောကရဲ့ သဘာဝပဲဖြစ်တယ်။
❀ ဆိုပါစို့- သရက်သီး ၁၀-လုံး ရှိတဲ့အထဲမယ် တစ်လုံးက ပုပ်နေတယ်၊ ကျန်တဲ့ကိုးလုံးက ကောင်းတယ်၊ အတူတူထားလိုက်လို့ရှိရင် အကောင်း ၉-လုံးက အပုပ်တစ်လုံးကို ကောင်းအောင် မလုပ်ပေးနိုင်ဘူး။ အဲဒီ အဆိုးတစ်လုံးရဲ့ နောက်ကိုပဲ အကောင်း ၉-လုံးက လိုက်သွားပြီး အားလုံးဟာ အပုပ်ဖြစ်သွားတယ်။
❀ အကောင်းတွေချည်းရှိနေဖို့ ဆိုတာဟာ ဘယ်ခေတ် ဘယ်ကာလမှ ရှိနိုင်တာ မဟုတ်ဘူး၊ အကောင်းနဲ့အဆိုးဆိုတာ ရောနေတာဖြစ်တယ်၊ အကောင်းတွေကိုကြည့်ပြီး ကိုယ်ကောင်းအောင် ဆောင်ရွက်သွားဖို့သာ အလွန်အရေးကြီးတယ်ပေါ့။
ဒေါက်တာနန္ဒမာလာဘိဝံသဆရာတော်
❀ မြတ်ဗုဒ္ဓ၏တရားတော်များကို လူတိုင်းရင်ထဲတွင် ကိန်းဝပ်စေချင်သော ဆရာတော်၏ဆန္ဒမွန်ကို ပါရမ်ီဖြည့်ဆည်းခြင်း၊
တရားအသိဉာဏ်​ပေးလှူခြင်း
သက်သက်ဖြစ်ပါ၍
တရားဓမ္မကို လိုလားသော,
တရားဓမ္မကို ဖြန့်ဝေလိုသော
မည်သူမဆို
လွတ်လပ်စွာ ဓမ္မဒါနပြုနိုင်ပါသည်။

Read More

ခွင့်လွှတ်ခြင်း (ဒီစာလေးဖတ်ကြည့်လိုက် အေးချမ်းသွားလိမ့်မယ်)

 

 ဓမ္မရတနာSeptember 9 at 11:00pm

အတိတ်က ဘာပဲဖြစ်ခဲ့ဖြစ်ခဲ့ အဲဒါကို နားလည်ဖို့လိုတယ်၊ ခွင့်လွှတ်ဖို့လိုတယ်။ အတိတ်ကဖြစ်ခဲ့တဲ့ လွဲခဲ့တာတွေ မှားခဲ့တာတွေကို ခွင့်လွှတ်နိုင်ခြင်းအားဖြင့် နောင်အနာဂတ်မှာ ကောင်းတာတွေ လုပ်နိုင်ဖို့အတွက် အုတ်မြစ်ကောင်းကောင်းကို ရသွားတယ်နော်။ အတိတ်က အကြောင်းတွေကို ထပ်ခါတလဲလဲ တွေးနေ ပြောနေပြီးတော့ အဲဒီအတိတ်မှာပဲ ချောင်ပိတ်မိနေလို့ရှိရင် ထောင်ချောက်ကြီးထဲ ရောက်နေသလို ဖြစ်တယ်။

ခွင့်လွှတ်ခြင်းအားဖြင့် အကျိုးတွေအများကြီး ရှိလာတယ်။ စိတ်ရှင်းသွားတယ်။ လွတ်လပ်သွားတယ်။ အမှုကိစ္စတွေ အများကြီး ပြီးသွားပါတယ်။
ခွင့်လွှတ်ခြင်းဆိုတာ မှန်ကန်တဲ့အမြင်၊ မှန်ကန်တဲ့ အသိမှာ အခြေခံမှ ဖြစ်နိုင်တယ်။ ပြီးတော့ သူတစ်ပါးကိုချည်း ခွင့်လွှတ်ရုံနဲ့ မရသေးဘူး။ မပြည့်စုံသေးဘူး။ မိမိကိုယ်ကိုပါ ခွင့်လွှတ်နိုင်မှ ပြည့်စုံတယ်။
ကိုယ်လုပ်ခဲ့သမျှကို ပြည်ကြည့်ပြီးတော့ မှားတာကိုတော့ မှားပါတယ်လို့ ရိုးရိုးသားသား တိတိကျကျ ၀န်ခံဖို့လိုတယ်။ သင်ခန်းစာလည်း ယူဖို့လိုတယ်။ ပြီးရင် ငါ့ကိုယ်ကိုလည်း ငါ ခွင့်လွှတ်လိုက်မယ်။ ရှေ့လျှောက် ငါကောင်းတာတွေ လုပ်တော့မယ်။ နောင်တရပြီးတော့ တစ်နေ့တစ်နေ့ အချိန်မကုန်စေချင်တော့ဘူး။
ကိုယ့်ကိုယ်ကိုလည်း ခွင့်လွှတ်တတ်ဖို့လိုတယ်။ နောင်တရတဲ့စိတ် အားကြီးလွန်းရင် သူကပဲပိတ်ပင်ထားလို့ တရားအသိဥာဏ် အဆင့်မြင့်မြင့်ကို မရနိုင်ဘူး။
ခွင့်လွှတ်နိုင်တဲ့အခါ လောကကြီးကို ကြည့်လိုက်ရင် လောကကြီးက ကြည့်လို့ကောင်းနေတယ်။ သာယာနေတယ်။ အရာရာတိုင်းဟာ လှနေတယ်၊ အဓိပ္ပာယ်ရှိနေတယ်။ ဒါတွေကို ကြည့်နိုင်ဖို့၊ မြင်နိုင်ဖို့၊ အာရုံပြုနိုင်ဖို့၊ သိနိုင်ခံစားနိုင်ဖို့ သူ့စိတ်ကို ပေးနိုင်တယ်။
ခွင့်မလွှတ်နိုင်တဲ့သူဟာ ဒါတွေအတွက် သူ့စိတ်မှာ နေရာမပေးနိုင်ဘူး၊ အချိန်မပေးနိုင်ဘူး။ သူ့မျက်စိက ဖွင့်ထားပေမယ့် သူ မမြင်နိုင်ဘူး။ သူ့နားထဲကို အသံတွေ ၀င်ရောက်လာပေမဲ့ သူ အာရုံမပြုနိုင်ဘူး။ မကြားနိုင်ဘူး။ သူ တန်ဖိုးမထားနိုင်ဘူး။
ခွင့်လွှတ်နိုင်တဲ့စိတ်ဟာ မြင့်မြတ်တဲ့ စိတ်ဖြစ်တယ်။ ရင့်ကျက်တဲ့ ခိုင်မာတဲ့ စိတ်ဖြစ်တယ်။ သဘောထားကြီးတဲ့စိတ် (big mind) ဖြစ်တယ်။ (powerful mind ) အင်အားကြီးတဲ့စိတ် ဖြစ်တယ်။ ဒါကြောင့် ခွင့်လွှတ်နိုင်တဲ့သူဟာ စိတ်ဓါတ်ကျမနေတော့ဘူး။
ကိုယ့်ဘ၀ကို အသိဥာဏ်အလင်းနဲ့ နေသွားချင်တဲ့သူ၊ နေသွားနိုင်တဲ့သူ ဟုတ်သလား? မဟုတ်ဘူးလား?ဆိုတာသိအောင် ခွင့်လွှတ်နိုင်တဲ့သူလား? ခွင့်မလွှတ်နိုင်တဲ့သူလား? ဆိုတဲ့ စာမေးပွဲ အစစ်ခံရသလို ဖြစ်တယ်နော်။။
ကိုယ့်ဘ၀မှာ အဆိုးနဲ့ကြုံတိုင်း အမြဲတမ်း ကောင်းတာကို လုပ်ဖို့ကြိုးစားပါ။
သူလုပ်သလို ပြန်လုပ်ခြင်းအားဖြင့် သူ့ထက်သာတဲ့သူ မဖြစ်နိုင်ဘူး။
ခွင့်လွှတ်တယ်ဆိုတာ မေ့လိုက်တာမဟုတ်ဘူး။
တွေ့ကြုံခဲ့တဲ့ အတွေ့အကြုံတွေဟာ၊ ဒီအတွေ့အကြုံတွေနဲ့ ပတ်သက်တဲ့ စိတ်ဆင်းရဲမှု၊ ကိုယ်ဆင်းရဲမှုတွေအားလုံးဟာ ကိုယ့်အတွက် အင်မတန်ကြီးမားတဲ့ သင်ခန်းစာယူစရာတွေ ဖြစ်ပါတယ်။ ဒီအထဲက ပညာယူရမယ်နော်။ မေ့လိုက်ရင် ပညာမရတော့ဘူး။ ဒါကြောင့် မေ့ဖို့မသင့်ဘူး။
ဒါကိုနားလည်ဖို့ ကြိုးစားရမယ်။
ခွင့်လွှတ်တယ်ဆိုတာဟာ သူလုပ်ခဲ့တဲ့ကိစ္စကို လျှော့လျှော့ပေါ့ပေါ့ တွက်လိုက်တာ မဟုတ်ဘူးနော်။ မမှားပါဘူး၊ ကောင်းပါတယ်လို့ ပြောတာမဟုတ်ဘူး။ ကိုယ်လုပ်ခဲ့တဲ့ကိစ္စကိုလည်း လျှော့လျှော့ပေါ့ပေါ့တွက်တာ မဟုတ်ဘူး။
သူ့ကိုခွင့်လွှတ်လိုက်တယ်ဆိုတာဟာ သူလုပ်ခဲ့တဲ့ကိစ္စဟာ လက်ခံနိုင်ပါတယ်၊ အရေားမကြီးပါဘူး၊ သိပ်မဆိုးပါဘူးလို့ မဆိုလိုဘူး။ သူလုပ်ခဲ့တဲ့ကိစ္စကြောင့် ကိုယ့်မှာထိခိုက်သွားတာဟာ အရေးမကြီးပါဘူးလို့ ပြောတာမဟုတ်ဘူး။
ခွင့်လွှတ်တယ်ဆိုတာ အတိတ်ကဖြစ်ခဲ့တဲ့ ဖြစ်ရပ်တွေကြောင့် ကိုယ့်မှာ နာကျည်းနေတာ၊ သူ့ကို ပြန်ပြီးတော့ ဂလဲ့စားချေမယ်ဆိုတဲ့ အတွေးမျိုးတွေ တွေးနေရတာကို ကိုယ်က လွှတ်လိုက်တာ၊ လျှော့လိုက်တာနော်။ ဒီအတွေးတွေက ကိုယ့်ရဲ့ပစ္စုပ္ပန်နဲ့အနာဂတ်ကို အကျိုးသက်ရောက်မှု ဖြစ်စေတယ်။ စိတ်ချမ်းသာမှု တကယ် မရနိုင်ဘူး။ ဒါပေမဲ့ ခွင့်လွှတ်လိုက်တာဟာ မှားတာကို မှန်ပါတယ်လို့ လုပ်လိုက်တာ မဟုတ်ဘူး။
ခွင့်လွှတ်နိုင်ရင် ဒဏ်ရာဟောင်း ကျက်လွယ်တယ်။
စိတ်နေ သဘောထား မြင့်မားလာတယ်။ ခွင့်လွှတ်တယ်ဆိုတာဟာ အင်မတန်မြင့်မြတ်တဲ့ကိစ္စ ဖြစ်ပါတယ်။
ခွင့်လွှတ်နိုင်တဲ့အချိန်ကနေစပြီး စိတ်ဟာ ငြိမ်းချမ်းသွားပြီ၊ လွတ်လပ်သွားပြီတဲ့။ ခွင့်လွှတ်တယ်ဆိုတာ ကိုယ့်စိတ်ကို သက်သာမှုရအောင် ကိုယ်လုပ်လိုက်တာပါနော်။
ကိုယ့်စိတ်ကို ဒီ မုန်းတီးမှု၊ နာကြည်းမှု၊ ကလဲ့စားချေချင်တယ်ဆိုတဲ့ အတွေးတွေက နှောင်ဖွဲ့ထားတာကို လွှတ်လိုက်တာပဲ။ သူများအပေါ်မှာ နာကြည်းနေရတာ၊ သူတစ်ပါးကို လက်စားချေမယ်လို့ တွေးနေရတာတွေဟာ အမှန်တော့ ကိုယ့်ဘ၀ကို ပုံပျက်ပန်းပျက် ဖြစ်သွားစေတယ်။ ကိုယ်တကယ်လုပ်သင့်တဲ့၊ ကိုယ့်အတွက်အကျိုးရှိမယ့် ကိစ္စတွေကို လုပ်ခွင့်မရတော့ဘူး။ ဒါကြောင့် ခွင့်လွှတ်လိုက်တာဟာ ကိုယ့်စိတ်ကို လွတ်လပ်မှုပေးလိုက်တာပဲ။ ကိုယ့်စိတ်ကို ငြိမ်းချမ်းခွင့်ပေးလိုက်တာပဲ။
ရန်ငြိုးဖွဲ့နေရတာ၊ မုန်းတီးနေရတာ၊ မကျက်သေးတဲ့ဒဏ်ရာဟောင်းတွေကို ပြုစုနေရတာနဲ့ ကုန်နေရတဲ့အင်အားတွေကို ပိုပြီးတော့ကောင်းတဲ့နေရာမှာ အသုံးပြုနိုင်အောင် လွတ်လပ်အောင် လုပ်တာဟာ ခွင့်လွှတ်တာပဲ။
အဲဒီလို နာကြည်းနေရတဲ့အတွက် စိတ်ဓါတ်အင်အားတွေ၊ ခန္စာကိုယ်အင်အားတွေ၊ အချိန်တွေ ကုန်မယ့်အစား အဲဒီအချိန်နဲ့အင်အားတွေကို ပစ္စုပ္ပန်မှာလည်း အကျိုးများအောင် အနာဂတ်မှာလည်း အကျိုးများအောင် ကောင်းတဲ့ကိစ္စတွေကို လုပ်ရင်းနဲ့ အသုံးချချင်တယ်။ ဒါကြောင့် သူ့ကို ခွင့်လွှတ်တာ။
ခွင့်လွှတ်လိုက်တယ်ဆိုတဲ့ အဓိပ္ပာယ်က သူ့ကိုနာကြည်းနေရတာကို ငါလုပ်နေဖို့ မလိုတော့ဘူး။ အဲဒါ ငါ့အတွက် မလိုအပ်တော့ဘူး၊ အဲဒါ ငါ့အတွက် အသုံးမကျတော့ဘူး၊ အကျိုးမရှိဘူးလို့ သိသွားတာ။
အမှန်တော့ Forgiveness is power ခွင့်လွှတ်ခြင်းဟာ စွမ်းအား ဖြစ်ပါတယ်။ ခွင့်လွှတ်တယ်ဆိုတာ စိတ်ဓါတ်ရော အသိဥာဏ်ပါ ကြီးမားတဲ့သူရဲ့ လုပ်ရပ်ဖြစ်တယ်။ ခွင့်မလွှတ်နိုင်တာဟာ စိတ်ဓါတ်အင်အား၊ အသိဥာဏ်အင်အား နည်းတဲ့သူရဲ့ အလုပ်ဖြစ်တယ်။
ခွင့်လွှတ်တယ်ဆိုတာ စာရင်းဟောင်းတွေကို ရှင်းပစ်လိုက်တာပဲ။ '' ငါ ဒီခွင့်မလွှတ်နိုင်ခြင်းဆိုတဲ့ ခံစားမှုထဲမှာ ထောင်ကျခံပြီး မနေတော့ဘူး'' ဆိုပြီး ကိုယ့်ထောင်တံခါးကို ကိုယ် ဖွင့်လိုက်တာပဲ။
ဘယ်သူ့ကိုမှ ဘယ်တော့မှ အပြစ်မတင်တော့တဲ့သူ ဖြစ်ချင်တယ်။ ခွင့်လွှတ်တယ်ဆိုတာ ဘာဖြစ်လို့လဲဆိုတော့ အပြစ်ယူခဲ့လို့၊ အပြစ်တင်ခဲ့လို့၊ ခွင့်လွှတ်နေရတာနော်။ အပစ်မတင်တော့ဘူးဆိုရင် ခွင့်လွှတ်နေဖို့လည်း မလိုတော့ဘူး။ ခွင့်လွှတ်စရာ မလိုတော့ဘူးဆိုရင် ဘယ်လောက် လွတ်လပ်ပြီးော့ ဘယ်လောက် အေးချမ်းသွားမလဲနော်။
ဆရာတော် ဦးဇောတိက

Read More

ရန်ငြိုးတွေကိုသံသရာအထိ ယူမသွားပါနဲ့လား ရဝေနွယ် (အင်းမ)

 

 Yawainwe Inn Ma

July 17 ·

တစ်ခါတုန်းက မိလိန္ဒမင်းက အရှင်နာဂသိန်ကို ကုသိုလ် အကုသိုလ်အကျိုးနဲ့ပတ်သက်ပြီးမေးခွန်းမေးပါတယ်။

"အရှင်ဘုရားနာဂသေန ကုသိုလ်ပြုသူနဲ့ အကုသိုလ်ပြုသူဟာ အကျိုးပေး တူတူပဲလား၊ ဒါမှမဟုတ် ထူးခြားမှု ရှိပါသလားဘုရား"
"မင်းမြတ် ထူးခြားပါတယ်၊ ကုသိုလ်က ကောင်းကျိုးကိုပေးတယ်၊ နတ်ပြည်သုဂတိကို ပို့ဆောင်ပေးတယ်၊ အကုသိုလ်က မကောင်းကျိုးကို ပေးတယ်၊ ငရဲဒုဂ္ဂတိကိုဆွဲချတယ်"
"အရှင်ဘုရား ဒါဖြင့် ဟုတ်ပါပြီ၊ ဒေ၀ဒတ်ဟာ မဲညစ်ယုတ်မာတယ်၊ မဲညစ်ယုတ်မာတဲ့ တရားတွေနဲ့လည်း ပြည့်စုံတယ်၊ ဘုရားအလောင်းကတော့ ဖြူစင် ကောင်းမြတ်တယ်။ ဖြူစင်ကောင်းမြတ်တဲ့ တရားတွေနဲ့လည်း ပြည့်စုံတယ်လို့ အရှင်ဘုရားတို့ ဆရာတော်ဘုရားတွေက မကြာခဏ ဟောတတ်ပါတယ်။ ဒါပေမဲ့ ဒေ၀ဒတ်ဟာ ဘ၀တိုင်း ဘ၀တိုင်း စည်းစိမ်အားဖြင့်ပဲဖြစ်ဖြစ်၊ အခြွေအရံအားဖြင့်ပဲဖြစ်ဖြစ် ဘုရားအလောင်းနဲ့ တူညီနေပါတယ်။ တစ်ခါတရံ တချို့ဘ၀တွေမှာဆို ဘုရားအလောင်းထက်တောင် သာလွန်နေပါသေးတယ်။ ဒေ၀ဒတ်ရဲ့ အတိတ်ဇာတ်ကြောင်းတွေ ပြန်ကြည့်တဲ့အခါ ဒေ၀ဒတ်ဟာ ဗာရာဏသီပြည်မှာ ဗြဟ္မဒတ်မင်းကို ခစားရတဲ့ ပရောဟိတ်ရဲ့သား ဖြစ်ပြီး ဘုရားအလောင်းကတော့ ယုတ်ညံ့တဲ့ ဒွန်းစဏ္ဍား အမျိုးမှာ ဖြစ်ခဲ့ပါတယ်။
ဘ၀တခုမှာလည်း ဒေ၀ဒတ်က ဘုရင်ဖြစ်ပြီး ဘုရားအလောင်းက ဘုရင်ရဲ့ အသုံးဆောင် ဆင်ပြောင်ကြီး ဖြစ်ရပါတယ်။
ဘ၀တခုမှာလည်း ဒေ၀ဒတ်က တောထဲမှာ နွားပျောက်ရှာတဲ့ လူဖြစ်ပြီး ဘုရားအလောင်းက မျောက်ဖြစ်ရပါတယ်။
ဘ၀တခုမှာလည်း ဒေ၀ဒတ်က သောဏုတ္တိုရ်လူမုဆိုးဖြစ်ပြီး ဘုရားအလောင်းက ဆဒ္ဒန်ဆင်မင်း
ဖြစ်ရပါတယ်။
ဘ၀တခုမှာလည်း ဒေ၀ဒတ်က ကလာဗုမင်း ဖြစ်ပြီး ဘုရားအလောင်းက ခန္တီ၀ါဒီရသေ့ ဖြစ်ရပါတယ်။
ဘ၀တခုမှာလည်း ဒေ၀ဒတ်က စေတီတိုင်းပြည်မှာ အထက်ကောင်းကင်ကို သွားနိုင်တဲ့ ဘုရင်ဖြစ်ပြီး ဘုရားအလောင်းက သာမန်ပုဏ္ဏား ဖြစ်ရပါတယ်။
ဘ၀တခုမှာလည်း ဒေ၀ဒတ်က အဓမ္မနတ်သား ဖြစ်ပြီး ဘုရားအလောင်းက ဓမ္မနတ်သား ဖြစ်ရပါတယ်။
ဘ၀တခုမှာလည်း ဒေ၀ဒတ်က ယောက်ျား (၅၀၀)ကို အစိုးရတဲ့ လှေသူကြီးဖြစ်ပြီး ဘုရားအလောင်းက တဖက်မှာယောက်ျား (၅၀၀)ကို အစိုးရတဲ့ လှေသူကြီး ဖြစ်ရပါတယ်။
ဘ၀တခုမှာလည်း ဒေ၀ဒတ်က လှည်း (၅၀၀)ကို အစိုးရတဲ့ လှည်းမှူးကြီး ဖြစ်ပြီး ဘုရားအလောင်းက တဖက်မှာလှည်း (၅၀၀)ကို အစိုးရတဲ့ လှည်းမှူးကြီး ဖြစ်ရပါတယ်။
ဘ၀တခုမှာလည်း ဒေ၀ဒတ်က သာခစစ်သူကြီး ဖြစ်ပြီး ဘုရားအလောင်းက နိဂြောဓစစ်သူကြီး ဖြစ်ရပါတယ်။
ဘ၀တခုမှာလည်း ဒေ၀ဒတ်က ဗြဟ္မဒတ်မင်းဖြစ်ပြီး ဘုရားအလောင်းက အဲဒီမင်းရဲ့သား မဟာပဒုမမင်းသား ဖြစ်ရပါတယ်။
ဘ၀တခုမှာလည်း ဒေ၀ဒတ်က မဟာပတာပမင်းဖြစ်ပြီး ဘုရားအလောင်းက အဲဒီမင်းရဲ့ သား ဓမ္မပါလမင်းသား ဖြစ်ရပါတယ်။
ယခု နောက်ဆုံးဘ၀မှာလည်း နှစ်ဦးလုံး အမျိုးမြတ်တဲ့ သာကီဝင် မင်းမျိုးမှာ ဖြစ်ရသလို ဘုရားအလောင်းက တရားအလုံးစုံကိုသိတဲ့ ဘုရားဖြစ်ပြီး ဒေ၀ဒတ်လည်း ရဟန်းပြု ဈာန်အဘိဥာဉ်တွေရပြီး ဘုရားကိုတုပပြိုင်ခဲ့ပါတယ်။
အရှုင်ဘုရား တပည့်တော် လျှောက်ချင်တာက… ဒေ၀ဒတ်ဟာ ဘုရားအလောင်းနဲ့ တွေ့ဆုံလေသမျှ ဘ၀တိုင်း ဘ၀တိုင်း စည်းစိမ်အားဖြင့်ပဲဖြစ်ဖြစ်၊ အခြွေအရံအားဖြင့်ပဲဖြစ်ဖြစ် ဘုရားအလောင်းနဲ့ တူညီနေပါတယ်။ တစ်ခါတလေ တချို့ဘ၀တွေမှာဆို ဒေ၀ဒတ်က ဘုရားအလောင်းထက်တောင် သာလွန် နေပါသေးတယ်။ အခု တပည့်တော် လျှောက်ထားခဲ့တာတွေဟာ မှန်ပါသလား၊ မှားပါသလား ဘုရား"
"မင်းမြတ် သင်က ဇာတ်တော်တွေထဲက ထုတ်ပြီး လျှောက်ထားတယ်၊ သင်ပြောခဲ့တဲ့ စကားအားလုံး မှန်ပါတယ်။ အမှားအယွင်းမရှိပါဘူး"
"အရှင်ဘုရား ဒါဆိုရင် မဲညစ်ယုတ်ညံ့သောသူနဲ့ ဖြူစင်ကောင်းမြတ်သောသူတို့ ထပ်တူညီမျှ ဖြစ်နေကြရင် ကုသိုလ်နဲ့ အကုသိုလ် တို့ဟာလည်း ထပ်တူညီမျှ အကျိုးပေးကြမယ်လို့ ပြောရတော့မှာပေါ့ ဘုရား"
"မင်းမြတ်၊ ကုသိုလ်၊ အကုသိုလ်တို့ဟာ ထပ်တူညီမျှ အကျိုးမပေးနိုင်ပါဘူး။ တကယ်တော့ ဒေ၀ဒတ်ဟာ လောကမှာ ရှိရှိသမျှ လူသားအားလုံးနဲ့ ဆန့်ကျင်ဘက် လုပ်တာမဟုတ်ပါဘူး၊ ဘုရားအလောင်းနဲ့သာ ဆန့်ကျင်ဘက်လုပ်တာပါ။ ဘုရားအလောင်းကို ဆန့်ကျင်ဘက် လုပ်ခဲ့တဲ့အတွက်လည်း ဆန့်ကျင်ဘက်လုပ်ခဲ့တဲ့ ဘ၀တွေမှာ မကောင်းကျိုးကို ခံစားရပါတယ်။
ဒါပေမဲ့လည်း ဒေ၀ဒတ်ဟာ ဘုရင်ဖြစ်တဲ့အခါမှာ မြို့ရွာကျေးလက်တွေကို အကူအညီ
အစောင့်ရှောက်တွေ ပေးခဲ့တယ်၊ တံတားတွေ ဆောက်ခဲ့တယ်၊ လမ်းတွေခင်းခဲ့တယ်၊ အလှူခံမဏ္ဍပ်တွေလုပ်ပြီး ရဟန်း၊ ပုဏ္ဏား၊ အထီးကျန်တဲ့သူ၊ ဆင်းရဲသား၊ ခရီးသွားသူ၊ သူတောင်းစား စသည်တွေကို စားစရာရိက္ခာတွေ ပေးလှူခဲ့ပါတယ်။ အဲဒီ အလှူတွေရဲ့ ကုသိုလ်အကျိုးကြောင့် ဒေ၀ဒတ်ဟာ ဘ၀တိုင်း ဘ၀တိုင်း စည်းစိမ်ချမ်းသာတွေ ခံစားရပါတယ်။ အလှူပေးခြင်း၊ ဣနြေ္ဒကိုဆုံးမခြင်း ကိုယ်နဲ့နှုတ်ကို စောင့်စည်းခြင်း၊ ဥပုသ်စောင့်ခြင်း မလုပ်ဘဲ အခြားတရားတွေနဲ့ စည်းစိမ်ချမ်းသာတွေ ခံစားရလိမ့်မယ်လို့ ဘယ်သူက ပြောနိုင်မှာလဲ၊ သေချာစဉ်းစားကြည့်ပါ။
မင်းမြတ်၊ ဒေ၀ဒတ်နဲ့ ဘုရားအလောင်းဟာ ဘ၀တိုင်း အတူတကွ အစဉ်မပြတ် ဆုံတွေ့ခဲ့တာမဟုတ်ပါဘူး။ တကယ်တော့ ဒေ၀ဒတ်နဲ့ ဘုရားအလောင်းတို့ ပေါင်းစုံမိခြင်းဟာ ဘ၀တစ်ရာ၊ ဘ၀တစ်ထောင်၊ ဘ၀တစ်သိန်း၊ ဘ၀တစ်သန်းမှာ တစ်ကြိမ်တစ်ခါ ဖြစ်ချင်မှ ဖြစ်တာပါ။ ဘ၀များစွာ ကျော်လွန်ပြီးမှ တစ်ခါတရံ တွေ့ဆုံရခြင်း သာဖြစ်ပါတယ်။
မင်းမြတ် ဘုရားအလောင်းက ဒေ၀ဒတ်နဲ့သာပေါင်းစုံရတာ မဟုတ်ပါဘူး။ အရှင်သာရိပုတ္တရာနဲ့လည်း ပေါင်းစုံခဲ့ရတာပါပဲ။ အလျဉ်မပြတ်အမြဲစီးဆင်းနေတဲ့ရေဟာ ကောင်းတဲ့ပစ္စည်းတွေနဲ့ကော၊ မကောင်းတဲ့ပစ္စည်း
တွေနဲ့ကော ပေါင်းစုံရပါတယ်။ ဒီအတိုင်းပါပဲ၊
သံသရာ ရေလျဉ်ကြောမှာ မြောပါနေရတဲ့ သူတွေ အားလုံးဟာ မချစ်ခင် မနှစ်သက်တဲ့သူတွေနဲ့လည်း ပေါင်းစုံတွေ့ရတတ်ပါတယ်။ ချစ်ခင်နှစ်သက်တဲ့သူတွေနဲ့လည်း ပေါင်းစုံ တွေ့ရတတ်ပါတယ်။
ဒေ၀ဒတ် ငရဲ ကျရတဲ့ ဘ၀တွေလည်း ရှိခဲ့ဖူးပါတယ်။ နောက်ဆုံးတော့ ဒေ၀ဒတ်ဟာ မပြစ်မှားသင့်တဲ့သူကို ပြစ်မှားမိလို့ မြေမြိုခံရတယ်။ ဘုရားအလောင်းကတော့ ဘုရားအဖြစ်ကို ရောက်ရှိပြီး အနုပါဒိသေသနိဗ္ဗာန်စံဝင် သွားရပါတယ်"
"အရှင်ဘုရား ကျေးဇူးတင်ပါတယ်ဘုရား"
(မိလိန္ဒပဥှာမြန်မာပြန်စာမျက်နှာ - ၂၁၃)
အရင်ကတော့ ဘုရားအလောင်းနဲ့ ဒေ၀ဒတ်တို့ ဘ၀တိုင်းနီးပါး ဆုံတွေ့ခဲ့တယ်လို့ပဲ ထင်ခဲ့တာပါ။ ဇာတ်တော်တွေထဲမှာလည်း ဒေ၀ဒတ်က ဘုရားအလောင်းကို တိုက်ခိုက် တိုက်ခိုက် နေတဲ့ အခန်းတွေပဲ ဖတ် ဖတ် နေရတာလည်းပါပါတယ်။ ဘုရားအလောင်းနဲ့ ဒေ၀ဒတ်တို့ဟာ ဘ၀ ရာထောင် သောင်းသန်းမှ တစ်ခါတရံ တစ်ဘ၀ တလေသာ စုံရတာပါတဲ့။
နောက် ဒေ၀ဒတ်ရဲ့ ထူးခြားချက်တစ်ခုက ဒေ၀ဒတ်ဟာ ရှိရှိသမျှလူသားအားလုံးနဲ့ ဆန့်ကျင်ဘက်လုပ်ခဲ့တာ မဟုတ်ဘဲ ဘုရားအလောင်းနဲ့သာ ဆန့်ကျင်ဘက် လုပ်ခဲ့တာပါ။ မြို့ရွာနေ ပြည်သူလူထုအပေါ်မှာတော့ အကူညီ အစောင့်ရှောက်တွေ ပေးခဲ့သလို တံတားဆောက်၊ လမ်းခင်း၊ အလှူဒါနပြုခြင်းစတဲ့ ကြီးမားတဲ့ ကာမာဝစရ
ကုသိုလ်ကြီးတွေကို ပြုခဲ့တာပါတဲ့။
ဒီကုသိုလ် ကံတွေကြောင့်ပဲ ဘ၀ဘ၀တွေမှာ ဘုရင်ဖြစ်တဲ့အခါဖြစ်၊ သူဌေးဖြစ်တဲ့အခါဖြစ်၊ လှည်းသမားတို့ရဲ့ ခေါင်းဆောင် ဖြစ်တဲ့အခါဖြစ်၊ လှေသမားတို့ရဲ့ခေါင်းဆောင်ဖြစ်တဲ့အခါဖြစ်နဲ့ အထက်တန်းစား လောကီစည်းစိမ် ချမ်းသာတွေကို ရခဲ့တာပါ။ တချို့ဘ၀တွေမှာဆို ဘုရားအလောင်းထက်တောင် သာနေတာပါ။ ဒါကို ထောက်ပြီး ဘုရားအလောင်းနဲ့ မဆုံတဲ့ ဘ၀တွေမှာလည်း ဒေ၀ဒတ်ဟာ အများအကျိုးပြု ကုသိုလ်ကောင်းမှုတွေကို ပြုလုပ်နေပုံရပါတယ်။ သူ့မှာ အတိတ်အတိတ်ဘ၀တွေက ကြီးမားတဲ့ ကုသိုလ်ကြီးတွေ ရှိခဲ့တာပါ။ ဒေ၀ဒတ်ရဲ့ အတိတ်ကုသိုလ်ပါရမီတွေကို လျော့တွက်လို့မရတဲ့ သဘောပါ။
ဒါပေမဲ့ ဘုရားအလာင်းကို တွေ့လိုက်တာနဲ့ ဆန့်ကျင်ဘက် လုပ်ချင်တဲ့ စိတ်က အလိုလိုပေါ်လာပြီး ဆန့်ကျင် ကောက်ကျစ်တော့တာပါ။ ကျန်တဲ့လူတွေနဲ့ တွေ့တဲ့အခါ ဘာမှမဖြစ်ဘဲ ဘုရားအလောင်းနဲ့ တွေ့တဲ့အခါမှသာ ဆန့်ကျင် ကောက်ကျစ်ချင်တဲ့စိတ်တွေ ပေါ်ပေါ်လာတာဟာ အတိတ်ဘ၀တစ်ခုရဲ့ ရန်ငြိုးတစ်ခုကြောင့်ပါ၊ အားလုံးသိကြတဲ့ ရွဲကုန်သည် ဇာတ်ပါပဲ။
ဒေ၀ဒတ်ဟာ ရွှေခွက်မရလိုက်တာနဲ့ မြစ်ကမ်းစပ်မှာပဲ သွေးအန်ပြီး သေဆုံးသွားခဲ့ပါတယ်။ အဲဒီလို သွေးအန် သေသွားခဲ့တဲ့အတွက် ဒေ၀ဒတ်ဟာ ဘုရားအလောင်းကို ရွှဲကုန်သည် ဇာတ်ကစပြီး ပထမဆုံး ရန်ငြိုးစဖွဲ့ခဲ့တာလို့ ဇာတ်တော်က ဆိုပါတယ်။ ဒေ၀ဒတ်ရဲ့ ဘုရားအလောင်းအပေါ် ပထမဆုံး ရန်ငြိုးစဖွဲ့ခဲ့တဲ့ သမိုင်းဝင် အတိတ်ဝတ္ထုလေးပါပဲ။ ဘ၀တစ်ခုရဲ့ ရန်ငြိုးဟာ ဘ၀အဆက်ဆက် လိုက်တော့တာပါ။
တကယ်လို့များ ဒေ၀ဒတ်ဟာ ချက်ချင်းမသေသေးဘဲ နှစ်ကာလတွေခြားပြီးမှသေမယ်၊ ဒီကြားကာလတွေ
မှာလည်း ရွှေခွက်ထက်သာတဲ့ တခြားတခြား အမြတ်အစွန်းတွေ လေးငါးခုလောက် ရလိုက်မယ် ဆိုရင်တော့ ရန်ငြိုးဖွဲ့ချင်မှ ဖွဲ့ဖြစ်တော့မှာပါ။ နှစ်ကာလတွေ ကြာသွားတာရယ်၊ သည့်ထက်မက အမြတ်အစွန်းပစ္စည်းတွေ ရလိုက်တာရယ်ကြောင့် ရွှေခွက်ကိစ္စကို မေ့မေ့ပျောက်ပျောက် ဖြစ်သွားတော့မှာပါ။ သတိရချင်မှလည်း ရတော့မှာပါ။ သေချိန် နီးကပ်သွားတာရယ်၊ သေတာကလည်း မသက်မသာ ပင်ပင်ပန်းပန်း သေသွားရတာရယ်က ရန်ငြိုးဖွဲ့ရခြင်းရဲ့ အဓိကအကြောင်းရင်းတွေ ဖြစ်သွားပါလိမ့်မယ်။ သေခါနီးဟာ သိပ်ကြောက်ဖို့ ကောင်းသလို ရန်ငြိုးတွေဟာလည်း သိပ်ကြောက်ဖို့ ကောင်းတာပါ။ အထူးသဖြင့် နောက်ဘ၀အထိ ပါသွားတဲ့ ရန်ငြိုးတွေက ပိုကြောက်ဖို့ကောင်းပါတယ်။
ပုထုဇဉ်အားလျော်စွာ စိတ်ခံစားမှုကို အခြေခံပြီး ရန်ငြိုးတွေကတော့ ရှိချင် ရှိနေနိုင်ပါတယ်။ ကိုယ်က ချက်ချင်း မသေသေးဘူးဆိုတော့ ဒီဘ၀က ရန်ငြိုးတွေကို ဒီဘ၀မှာပဲ ထားခဲ့တာကောင်းပါတယ်။ နောက်ဘ၀အထိ သယ်မသွားဖို့ပါ။
"ရန်ငြိုးတွေကို သံသရာအထိ ယူမသွားဘူး။ ဒီဘ၀မှာပဲ အပြတ်ရှင်းခဲ့မယ်" ဆိုပြီး ဒီဘ၀မှာပဲ အပြီးအပြတ် လက်စားချေခဲ့ရမှာ မဟုတ်ပါဘူး။ ကြုံတွေ့ခဲ့ရတဲ့ ရန်ငြိုးတွေကို မတွေးမိအောင်ရယ် မတွေ့အောင်ရယ် ရှောင်ရှားပြီး ဒါန၊ သီလ၊ ၀ိပဿနာ တရားတွေကို စွမ်းနိုင်သမျှ ဖိလုပ်နေဖို့ပါ။ အချိန်ကာလလည်း ကြာသွားမယ်၊ ကုသိုလ်တွေနဲ့လည်း ပျော်နေမယ် ဆိုရင်တော့ ရန်ငြိုးတွေက မေ့မေ့ပျောက်ပျောက် ဖြစ်သွားတော့မှာပါ။
တကယ်လို့ တွေးမိရင်လည်း သိလိုက် သိလိုက်ပြီး ကိုယ့်စိတ်ကလေးကို ဆုံးမလိုက်ဖို့ပါ။ အထူးသဖြင့် ဒေ၀ဒတ်ရဲ့ရန်ငြိုး ဘ၀အဆက်ဆက် လိုက်တတ်ပုံလေးကို အာရုံပြုလိုက်ဖို့ပါ။
တွေ့စရာရှိတယ်ဆိုရင်လည်း မတွေ့မိအောင် ရှောင်လိုက်ဖို့ပါ။ သူကဒီလမ်းမှာရှိနေရင် ကိုယ်က တခြားလမ်းက ရှောင်သွားလိုက်ဖို့ပါ။ သူကအဲဒီနေရာမှာရှိနေရင် ကိုယ်က အဲဒီနေရာကို မသွားလိုက်ဖို့ပါ။ ဒါက မတွေ့အောင်ရှောင်တဲ့သဘောပါ။
မြတ်စွာဘုရားရှင်က အဂ္ဂင်္ုတ္တိုရ်ပါဠိတော်မှာ အမျက်ဒေါသဖြစ်ပုံ ပုဂ္ဂိုလ် ၃ မျိုးကို ဟောပြထားပါတယ်။
၁။ ပါသာဏလေခူပမပုဂ္ဂိုလ်= ဒေါသဖြစ်ပြီးနောက် ပျောက်ခဲပြီး ခိုင်မြဲစွာ ဖြစ်နေသောသူ။
ကျောက်ဖျာမှာ ရေးထွင်းထားတဲ့ အရေးသားနဲ့ တူတဲ့သူ။
၂။ ပထ၀ီလေခူပမပုဂ္ဂိုလ်= ဒေါသဖြစ်ပြီးနောက် ပျောက်လွယ် ပြေလွယ်တဲ့သူ။
မြေကြီးပေါ်မှာ ရေးထားတဲ့ အရေးသားနဲ့ တူတဲ့ ပုဂ္ဂိုလ်။
၃။ ဥဒကလေခူပမပုဂ္ဂိုလ်= ဒေါသမဖြစ်သောသူ။
ရေပေါ်မှာ ရေးအပ်တဲ့ အရေးသားနဲ့ တူတဲ့ပုဂ္ဂိုလ်။
ဒါကတော့ ပါဠိတော်ကနေ မြန်မာလို တိုက်ရိုက် ပြန်လိုက်တာပါ။
ဥပမာလေးတွေကပိုရှင်းပါတယ်၊ မကျေနပ်တဲ့ဒေါသကို ကျောက်ဆောင်ကျောက်ဖျာမှာ ရေးထားတဲ့သူရယ်၊
မြေကြီးပေါ်မှာ ရေးထားတဲ့သူရယ်၊ ရေပေါ်မှာရေးတဲ့သူရယ်ပါ။
တချို့ကျတော့ဖြစ်လိုက်တဲ့ မကျေနပ်မှုဒေါသက ပျောက်ခဲပြီး ခိုင်ခိုင်မြဲမြဲ အကြာကြီး
ဖြစ်နေတဲ့သူပါ။ ကျောက်ဖျာ ကျောက်ဆောင်မှာ ရေးထွင်းထားသလို ခိုင်မြဲနေတဲ့ ပုဂ္ဂိုလ်ပါ။ ဘယ်တော့မှ
မပျောက်တော့ပါဘူး။ ဒေါသဖြစ်ပြီး တော်တော်နဲ့ မပျောက်ဘဲ ဖြစ်ကြောတွေ ရှည်နေတာပါ။ အဲဒီအချိန်မှာ သေသွားရင် မသက်သာလှပါဘူး။
နောက်တစ်ယောက်ကျတော့ ဒေါသဖြစ်ပြီး ပျောက်လွယ် ပြေလွယ်တဲ့သူပါ။ မကျေနပ်တဲ့ ခံစားမှုဖြစ်ပြီး ရူးကနဲ ဒိုင်းကနဲတော့ ဖြစ်လိုက်တာပါပဲ။ ခဏကြာတော့ ပျောက်သွားတာ များပါတယ်။ အကြာကြီး ဖြစ်မနေပါဘူး။ စိတ်လှုပ်ရှားမှု မြန်တဲ့ပုဂ္ဂိုလ်ပါ။ စိတ်လှုပ်ရှားမှုမြန်တာလည်း အားနည်းချက်တစ်ခုပါပဲ။
ဟုတ်လား မဟုတ်လားတော့ မသိပါဘူး။ ဗုဒ္ဓဟူး သားသမီးတွေဟာ မကျေနပ်တဲ့ ကိစ္စတစ်ခု ပေါ်လာတာနဲ့ ရှုးကနဲ ဒိုင်းကနဲတော့ ထပေါက်ကွဲတတ်ပါသတဲ့။ ပေါက်ကွဲပြီးရင်တော့ ငြိမ်ကျ သွားပါသတဲ့။ ဒါပေမဲ့ အဲဒီ စိတ်လှုပ်ရှားနေတုန်း ဆုံးဖြစ်စရာတွေကို ဆုံးဖြတ်လိုက်ရင် မှားတာပဲ များပါတယ်။ ဒေါသဖြစ်ပြီး ပျောက်ပျက်
လွယ်တဲ့သူကို မြေကြီးပေါ်မှာ ရေးထားတဲ့သူနဲ့ တူတယ်လို့ ဆိုပါတယ်။ မြေကြီးပေါ်မှာ ရေးထားတဲ့စာဟာ ခဏနေရင် ပျောက်သွားတတ်ပါတယ်။
နောက်တစ်ယောက်ကျတော့ ဒေါသမဖြစ်တဲ့သူပါ။ ရေထဲမှာရေးတဲ့ အရေးသားနဲ့တူတဲ့သူပါ။ ရေထဲမှာ ၀လုံး လို့ ရေးလိုက်ရင် ရှေ့ကရေး နောက်က ပျက်သွားတော့တာပါ။
အဘိဓမ္မာသဘောအရဆိုရင်တော့ အနာဂါမ်ဖြစ်မှပဲ ဒေါသကို အပြီးပယ်လို့ရတာပါ။ ဒါပေမဲ့လည်း ဂုဏ်တော်ကို အမြဲပွားထုံနေတဲ့သူ၊ မေတ္တာကို အမြဲပွားနေတဲ့သူ၊ ၀ိပဿနာကို အမြဲပွားနေတဲ့သူကတော့ မကျေနပ်တဲ့ အာရုံတစ်ခုကြောင့် ဒေါသတော့ ဖြစ်လိုက်တာပါပဲ။ ဒါပေမဲ့ ခဏပါပဲ၊ ရေထဲမှာစာရေးသလို ခဏလေးနဲ့ ပျောက်သွားတာ များပါတယ်။ အဲဒီလိုလူတွေလည်း ရဟန်းထဲမှာရော၊ လူထဲမှာပါ အများကြီး တွေ့ရပါတယ်။
ဒီအတိုင်းပါပဲ ကျေနပ်တဲ့ ကုသိုလ်တခုခုကို ပြုနေတဲ့အချိန်၊ ကုသိုလ်ပြုပြီး ပီတိ ၀မ်းမြောက်မှုတွေ ဖြစ်နေတဲ့အချိန် အဲဒီအချိန်မှာ မကျေနပ်စရာ တစ်ခုနဲ့ ကြုံလိုက်ရပေမယ့် စိတ်က ကုသိုလ် ပီတိထဲမှာ ရောက်နေတဲ့အတွက် ခဏပါပဲ၊ တကယ့် ရေထဲမှာ စာရေးလိုက်သလိုပါပဲ၊ ခဏလေးပဲ ဖြစ်သွားတာပါ။
ပုဂ္ဂိုလ် (၃)ယောက်ထဲက တမျိုးမျိုးထဲမှာ ပါနေတာတော့ အသေချာပါ။ ဘယ်အမျိုးစားထဲမှာ ပါနေလဲ ဆိုတာတော့ ကိုယ်တိုင်ပဲ ဆုံးဖြစ်ရမှာပါ။ အထူးသဖြင့်တော့ နံပါတ် (၁) ပုဂ္ဂိုလ်ထဲမှာ မပါဖို့ဘဲ အရေးကြီးပါတယ်။
ဒေါသဖြစ်ပြီး မကျေနပ်တဲ့စိတ်နဲ့ ချက်ချင်း သေသွားတဲ့သူရယ်၊ ဒေါသဖြစ်ပြီး မသေသေးပေမယ့် အကြာကြီး ဖြစ်ကြောရှည်နေတဲ့သူရယ်၊ သေတဲ့အခါမှာလည်း အဲဒီမကျေနပ်စိတ်ကလေးနဲ့ပဲ သေသွားတဲ့သူတွေရဲ့ ရန်ငြိုးကတော့ သံသရာအထိ ပါသွားဖို့ များပါတယ်။ သံသရာရဲ့ နောက်ဘ၀တွေမှာ ဆုံတွေ့တိုင်း ဆုံတွေ့တိုင်း တိုက်ခိုက်နေရင် နိုင်နိုင်ရှုံးရှုံး အကုသိုလ်ပဲ ဖြစ်နေတော့မှာပါ။ နောက်ဘ၀အထိ အကုသိုလ်ကို လက်မှတ်ထိုး စာချုပ်ချုပ်ပြီးယူသွားတဲ့သဘောပါ။
ဒီဘ၀ရန်ငြိုးကို ဒီဘ၀မှာပဲထားခဲ့တာ ကောင်းပါတယ်။ စ်ိတ်ပိုင်းဆိုင်ရာ ရုပ်ပိုင်းဆိုင်ရာတွေ ခံခဲ့ရတာတော့ ခံခဲ့ရတာပါပဲ။ ချက်ချင်း လွယ်လွယ်ကူကူ ပျောက်ပျက်သွားဖို့ဆိုတာ ကတော့ မလွယ်လှပါဘူး။ အရှုံးထဲက အမြတ်ထွက်အောင် လုပ်ရတော့မှာပါ။ ကိုယ်က မကျေနပ်တဲ့ စိတ်တွေနဲ့ ခံခဲ့ရပေမယ့် မသေသေးဘူး ဆိုရင်တော့ ကုစားစရာအဖြစ် လမ်းကြောင်း အခွင့်အရေးတွေ အများကြီးရှိနေပါသေးတယ်။
ဒေ၀ဒတ်ရဲ့ ရန်ငြိုးကို အာရုံပြုလိုက်ရင်ပဲ ရန်ငြိုးရဲ့ ကောင်းကျိုး ဆိုးပြစ်တွေကို တွက်ဆလို့
ရပါတယ်။ ဆရာကြီး ဦးရွှေအောင်ကတော့ သာသနာ့သမိုင်းမှာ ဒေ၀ဒတ်ဟာ သံဝေဂ ယူဖွယ် အကောင်းဆုံး ပုဂ္ဂိုလ်လို့ ရေးပြထားပါတယ်။ မကျေနပ်တဲ့ စိတ်နဲ့ သေသွားရတဲ့ သူတွေထက်စာရင် ကိုယ်က မသေသေးတဲ့အတွက် ကိုယ့်မှာ အခွင့်ရေးတွေ အများကြီး ရှိနေပါသေးတယ်။ ဂုဏ်တော်၊ မေတ္တာ၊ ၀ိပဿနာတွေ အမြဲပွားနေမယ်၊ အများကောင်းကျိုး ဖြစ်စေမယ့် ကုသိုလ်ကောင်းမှုတွေ အစဉ်အမြဲ ပြုလုပ်နေမယ်၊ ရန်ငြိုးတွေ ပေါ်လာရင်လည်း ရန်ငြိုးရဲ့ ကောင်းကျိုး
ဆိုးပြစ်တွေကို ဆင်ခြင်လိုက်မယ် ဆိုရင် သံသရာထိ ပါသွားစရာ အကြောင်းမရှိတော့ပါဘူး။ ဒီအတိုင်း နေသွားရင် သံသရာမှာလည်း ကိုယ့်အတွက် အထက်တန်းကျကျ၊ အဆင့်တန်းမြင့်မြင့် လောကီ၊ လောကုတ္တရာ ကောင်းကျိုးတွေ ဖြစ်နေတော့မှာပါ။ ဒါဆို အရှုံးထဲက အမြတ် ထွက်သွားတော့ တာပါပဲ။
မကျေနပ်တဲ့စိတ်နဲ့ တိုက်ရင်းခိုက်ရင်း သေသွားတဲ့ သူတွေကျတော့ ရန်ငြိုးတွေက သံသရာအထိ ပါသွားဖို့ များပါတယ်။ ဒီလိုပါပဲ တိရစ္ဆာန်လေးတွေ သွေးသံတရဲရဲနဲ့ မချိမဆန့် အော်ဟစ်သေသွားရတဲ့အခါ ရန်ငြိုးတွေကတော့ ပါချင် ပါသွားနိုင်ပါတယ်။ ထင်မထားတဲ့ သံသရာအတွက် ရန်ငြိုးလေးတွေပါ။
ဘာပဲပြောပြောလေ ရန်ငြိုးတွေကို သံသရာအထိ ယူမသွားတာကတော့ အကောင်းဆုံးပါပဲလေ။
ရဝေနွယ် (အင်းမ)
ကျမ်းကိုး
၁။ မိလိန္ဒပဥှာမြန်မာပြန်= ကမ္ဘာအေး၊
၂။ မိလိန္ဒပဥှာဝတ္ထု= ဒါန့်တိုင်ဆရာတော်၊
၃။ မိလိန္ဒပဥှာ= မာဏ၀၊
၎။ မိလိန္ဒပဥှာ= ဦးသော်ဇင်၊
စံတော်ချိန်သတင်းစာ
၁၇-၇-၂၀၁၆။

Read More

ကုသိုလ် တွေစစ်ကြမယ် 🌿🍀🌿🍀🌿🍀🌿🍀🌿

 မြတ်ဗုဒ္ဓ ၏ သာသနာ added a new GIF.

Yesterday at 10:04am ·

'ကောင်းမူကုသိုလ် ပြုခြင်းသည် ချမ်းသာသုခကို စုဆောင်းသည်မည်၏။ မကောင်းမှုအကုသိုလ်ပြု လုပ်ခြင်းသည် ဆင်းရဲဒုက္ခကို စုဆောင်းနေသည် မည်၏'' ။ (ဓမ္မပဒ) ပါဠိလို ကုသလ၊ မြန်မာလိုကုသိုလ်ဟုခေါ်တွင်သည်။ ဤကုသိုလ်၏ ဆန့်ကျင်ဘက် ဝိရောဓိတရား မှာ အကုသလ - အကုသိုလ် ပင်ဖြစ်သည်။ ယင်းစက်ဆုတ်ဖွယ်ရာ အကုသိုလ်တရားတို့ကို ဖျက်ဆီးပစ်ခြင်း၊ စိတ်အစဉ်မှာ ကင်းကွာစေခြင်းကြောင့် ကုသိုလ်ဟုခေါ်သည်။ မှန်၏။ အကုသိုလ် တရားတို့ကို ဖျက်ဆီး ကာကွယ်ရာတွင် မဟာကုသိုလ်တို့က တဒင်္ဂပဟာန်အားဖြင့် အခိုက်အတန့်ပယ်ခွာသည်။ မဟဂ္ဂုတ် ကုသိုလ်တို့ကား ဝိက္ခမ္ဘန ပဟာန်အားဖြင့် အချိန်အခါကြာမြင့်စွာ ပယ်ခွာသည်။ မဂ်ကိုသိုလ်တို့ကား သမုစ္ဆေဒပဟာန်အားဖြင့် နောက်ထပ် မဖြစ်ရန် အပြီးသတ် ပယ်ခွာ သည်။

ထို့ကြောင့်ကုသိုလ်သည်......
(၁) မဟာကုသိုလ်
(၂) မဟဂ္ဂုတ်ကုသိုလ်
(၃) မဂ်ကုသိုလ်...ဟုကုသိုလ်သုံးမျိုးရှိကြောင်းသိနိုင်ပါသည်။ လူသားတို့သန္တာန်၌ ဤကုသိုလ် စိတ် တို့ဖြစ်ပေါ်နေလျှင် အခိုက်အတန့်ဖြစ်စေ၊ အချိန် ကြာမြင့် စွာဖြစ်စေ၊ လုံးဝဖြစ်စေ အကုသိုလ်တရား တို့ဖြစ်ပေါ် ခွင့်မရတော့ချေ။ အလားတူပင် ကုသိုလ်ကို ပုည - ကောင်းမှုဟုခေါ်၍၊ အကုသိုလ်ကို ပါပ - မကောင်းမှုဟုလည်း ခေါ်ကြသည်။ ခြုံငုံ၍ပြောရလျှင် ဒုစရိုက် ၁ဝ-ပါးလွန်ကြူးလျှင် မကောင်းမှုပြုသည်၊ အကုသိုလ်လုပ်သည်။ သုစရိုက် ၁ဝ - ပါးကိုလိုက်နာ ပြုကျင့်လျှင် ကောင်းမှုပြုသည်၊ ကုသိုလ်ပြုသည်ဟု ခေါ်ရလေသည်။ အထက်ပါ ကုသိုလ် ၃ မျိုးတွင် မဟဂ္ဂုတ်ကုသိုလ်နှင့် မဂ်ကုသိုလ် တို့ကား ဈာန်ရ မဂ်ရ ပုဂ္ဂိုလ်တို့နှင့်သာ သက်ဆိုင်၏။ ဤ၌ကား လူများစုနှင့် သက်ဆိုင်သော မဟာကုသိုလ်ကိုသာ ဆွေးနွေးတင်ပြပါမည်။ ကုသိုလ်ကောင်းမှုပြုရာ၌ ဝမ်းမြောက်ဝမ်းသာပြုလျှင် သောမနဿကုသိုလ် ဖြစ်၏၊ ဝမ်းမြောက် ဝမ်းသာ မဟုတ်ပဲ မှန်တန်းအနေနှင့်ပြုလျှင် ဥက္ခောကုသိုလ်ဖြစ် ၏။ ကံ ကံ၏အကျိုးကို သိရှိယုံကြည်ပြီး ပြုလျှင် ဥာဏသမ္ပယုတ်ကုသိုလ်ဖြစ်၍ ကံ ကံ၏အကျိုးကို မသိပဲပြုလျှင် ဥာဏဝိပ္ပယုတ်ကုသိုလ်ဖြစ်သည်။ သူများ တိုက်တွန်းမှု မပါလျှင် အသင်္ခါရိက ကုသိုလ်ခေါ်သည်။ တိုက်တွန်းမှုပါလျှင် သသင်္ခါရိက ကုသိုလ် ခေါ်ဆိုရလေသည်။
အနှီကုသိုလ်တို့ကို တွဲစပ်လိုက်သောအခါ အောက်ပါအတိုင်းဖြစ်သည်။
(၁) ဝမ်းသာ ဥာဏ်ယှဉ် မတိုက်တွန်းပဲပြုသော ကုသိုလ်၊
(၂) ဝမ်းသာ ဥာဏ်ယှဉ် တိုက်တွန်း၍ပြုသော ကုသိုလ်၊
(၃) ဝမ်းသာ ဥာဏ်မယှဉ် မတိုက်တွန်းပဲ ပြုသော ကုသိုလ်၊
(၄) ဝမ်းသာ ဥာဏ်မယှဉ် တိုက်တွန်း၍ ပြုသောကုသိုလ်၊
(၅) မှန်တန်း ဥာဏ်ယှဉ် မတိုက်တွန်းပဲ ပြုသောကုသိုလ်၊
(၆) မှန်တန်းဥာဏ်ယှဉ် တိုက်တွန်း၍ပြုသောကုသိုလ်၊
(၇) မှန်တန်းဥာဏ်မယှဉ် မတိုက်တွန်းပဲ ပြုသောကုသိုလ်၊
(၈) မှန်တန်းဥာဏ်မယှဉ် တိုက်တွန်း၍ ပြုသောကုသိုလ်ဟု ကုသိုလ် ၈-မျိုး ဖြာထွက်လာသည်။ ဤကုသိုလ် ဂ-မျိုးကိုပင် စိတ်နှင့်တွဲလိုက်သောအခါ မဟာကုသိုလ်စိတ် ၈-ပါး ဟုဖြစ်လာလေသည်။ ပုံစံအားဖြင့် ပြရလျှင် ခင်ဝင်းကြည် မဟာမြတ်မုနိဘုရားကြီးအား ဆွမ်း ရေ ချမ်း ဆီမီးပန်းတို့ကို ဝမ်းမြောက် ဝမ်းသာ ကပ်လှူ၏။ ကောင်းသောအမှုကို ပြုလျှင် ကောင်းသော အကျိုးကို ရမည်ဟုသိလျှက် မြတ်ဗုဒ္ဓ၏ ဂုဏ်တော်တို့ကို ရည်စူး၍ပူဇော်၏။ ဤသို့ဆွမ်းရေချမ်း ဆီမီးပန်းတို့ကို ဘုရားကပ်လှူရန် မည်သူကမျှလည်း မတိုက်တွန်းရပေ။ ဤသို့ဆိုလျှင် ခင်ဝင်းကြည်လေး၏ သန္တာန်၌ ဖြစ်ပေါ်နေသော ကုသိုလ်စိတ်ကို ''ဝမ်းသာဥာဏ်ယှဉ် ၊ မတိုက်တွန်းရပဲပြုသော ကုသိုလ်စိတ်''ဟုခေါ်ဆိုရပေမည်။ မိဘတို့က ခိုင်းစေ၍ လုပ်ရသည် ဆိုလျှင်ကား တိုက်တွန်း၍ပြုသော ကုသိုလ်စိတ်သာဖြစ်ရပေမည်။ အခြားကုသိုလ်စိတ် ဖြစ်နိုင်ပုံကိုလည်း ဤအတိုင်းပင်မှန်းဆ၍ သိနိုင်လောက်ပါပြီ။ လူသားတို့၏သန္တာန်၌ ကုသိုလ်စိတ်ဖြစ်သမျှ ဤ ၈-မျိုးသာဖြစ်ကြောင်း မြတ်ဗုဒ္ဓ၏ အဘိဓမ္မာ၌ တိကျပိုင်းခြား၍ ထားခဲ့လေသည်။
ကုသိုလ်ကောင်းမှုပြုခြင်း (ပုညာယူဟန)သည်လည်း ၆-မျိုးရှိပြန်သည်။
(၁) မိမိသဘောအတိုင်း ကောင်းမှုပြုခြင်း၊
(၂) သူတပါးကို အားကျ၍ ကောင်းမှုပြုခြင်း၊
(၃) ကိုယ်ထိလက်ရောက် သာဟတ္ထိကမြောက် ပြုခြင်း၊
(၄) ခိုင်းစေ၍ လက်လွှဲပြုခြင်း၊
(၅) ကံကံ၏အကျိုးကိုသိ၍ပြုခြင်း၊
(၆) ကံ ကံ၏အကျိုးကိုမသိဘဲပြုခြင်း- ဟု ၆-မျိုးရှိသည်။ (အဋ္ဌသာလိနီ-၂ဝ၅)
ဖော်ပြပါ ကုသိုလ်ကောင်းမှုပြုခြင်း ၆- မျိုးတွင် ဘယ်နည်းနှင့်ပြုပြု အထက်ပါကုသိုလ် ၆ မျိုး၌ အကျုံးဝင် သည်သာဖြစ်လေသည်။ ကံ ကံ၏အကျိုး ကိုသိ၍ ပြုခြင်းသည် ဥာဏ်ယှဉ်ကုသိုလ် ၄-မျိုးတွင် တမျိုးမျိုးဖြင့်ပြုသည်မည်၏။ ကံ ကံ၏အကျိုးကိုမသိဘဲပြုခြင်းကား ဥာဏ်မယှဉ်ကုသိုလ်လေးမျိုးတွင် တမျိုးမျိုးဖြင့်ပြုသည်မည်၏။ ကျန်ကုသိုလ်ပြုနည်းတို့ကား မဟာကုသိုလ် ၈ မျိုးတွင် တမျိုးမျိုးဖြင့်ပြုခြင်း ဟုမှတ်ရပေမည်၊ ကုသိုလ် ၈-မျိုးကိုအဆင့် အတန်းခွဲလိုပါလျှင် ဥာဏ်ယှဉ်ပြုသော ကုသိုလ်လေးမျိုးသည် ဥာဏ်မယှဉ်မပါသော ကုသိုလ်လေးမျိုးထက် သာလွန်သည်။ ထိုဥာဏ်ယှဉ် ကုသိုလ်လေးမျိုးတွင်လည်း ဝမ်းမြောက် ဝမ်းသာပြုခြင်း၊ ဥာဏ်ယှဉ်၍ပြုခြင်း၊ သူတပါးတို့ မတိုက်တွန်းရဘဲ ပြုခြင်းဟုဆိုအပ်သော ပထမတန်းစား မဟာကုသိုလ်သာ အထူးချွန်ဆုံး အထက်မြက်ဆုံးဖြစ်ပေသည်။
ထိုကုသိုလ်ရှစ်မျိုးကိုပင် တိဟိတ်ကုသိုလ် ဒွိဟိတ်ကုသိုလ်ဟု ၂-မျိုးခွဲနိုင်သည်။ ကုသိုလ်ပြုရာ၌ ကံကံ၏ အကျိုးကို ယုံကြည်သော ကမ္မဿကတာ ဥာဏ်သည် အရေးကြီး၏။ ရုပ်နာမ်တရားတို့၌ အနိစ္စ၊ ဒုက္ခ၊ အနတ္တဟု ရှုတတ်သော ဝိပဿနာ ဥာဏ်ဖြစ်လျှင် သာ၍ထက်မြက်၏။ ထို့ကြောင့် ကုသိုလ်ပြုစဉ် အခါဝယ် ကမ္မဿကတ ဥာဏ်ဖြစ်စေ၊ ဝိပဿနာဥာဏ်ဖြစ်စေ ဥာဏ် တစ်ခုခုပါလျှင် တိဟိတ်ကုသိုလ် ဖြစ်သည်။ ထိုကဲ့သို့နားလည်သော ဥာဏ်မပါလျှင် (ကလေးငယ်လူရိုင်းတို့ကဲ့သို့ တော်စွာ လျော်စွာ အမှတ် တမဲ့ပြုလျှင်) ဒွိဟိတ်ကုသိုလ်ဖြစ်သည်။
+ ကုသိုလ်ပြုစဉ်၊ ကံကျိုးမြင်သိ၊ ဥာဏ်ယှဉ်ဘိ တိဟိတ်ကုသိုလ်ခေါ်။
+ ကံကျိုးမသိ၊ ဥာဏ်မရှိ၊ ဒွိဟိတ်ကုသိုလ်ခေါ်။
ထိုတိဟိတ် ဒွိဟိတ် ကုသိုလ်နှစ်မျိုးကိုပင် ဥက္ကဋ္ဌကုသိုလ် (မြင့်မြတ်သောကုသိုလ်) သြမကကုသိုလ် (အညံစားကုသိုလ်)ဟု ထပ်ဆင့်၍ ခွဲနိုင်ပြန်သည်။ မှန်၏- ကုသိုလ်ကောင်းမှု ပြုရာ၌ ပုဗ္ဗစေတနာနှင့် အပရစေတနာများလည်း များသောအားဖြင့် ပါရှိရလေသည်။ တစ်ချို့မှာ မလှူခင် ပုဗ္ဗစေတနာ အခိုက်၌ အလွန်ထက်သန်၏။ ကုသိုလ်နှင့်စပ်သော ဇောတွေ များစွာဖြစ် လျှက်ရှိ၏။ ကုသိုလ်ပြုပြီး၊ အထမြောက်ပြီး အပရစေတနာ အခိုက်မှာလည်း လွန်စွာ အားရ၏။ ပြုရပေပြီဟု ဝမ်းမြောက်လျှက်ရှိ၏၊ ထိုကုသိုလ်မျိုးသည် ရှေ့ရောနောက်ပါ ကုသိုလ်ဇောတွေ ခြံရံလျှက်ပါသောကြောင့် လွန်စွာအားရှိ၏။ ဥက္ကဋ္ဌကုသိုလ် (မြင့်မြတ် သော ကုသိုလ်) ဟုခေါ်ရ၏။
အချို့မှာမှု ပုဗ္ဗစေတနာအခိုက်၌ ဝမ်းမြောက်ဝမ်းသာမရှိ နှမြောတွန့်တိုခြင်း၊ တစ်စုံတစ်ရာအတွက် မကျေမနပ်ခြင်း၊ မိမိဂုဏ်သတင်းကြီး လိုခြင်းစသော အကုသိုလ် တွေရှေ့သွားလျှက်ရှိ၏။ ကုသိုလ်ပြုပြီး နောက် အပရစေတနာအခိုက်မှာလည်း ပြုမိ တားမိလေခြင်းစသည်ဖြင့် နှလုံးမသာ မယာဖြစ်ရ၏။ ထို ကုသိုလ်မျိုးမှာ ရှေ့ရောနောက်ပါ အကုသိုလ်ခြံရံလျှက်ပါသောကြောင့် များစွာသောအာနိသင် မရှိ လှချေ။ သြမကကုသိုလ် (အညံစားကုသိုလ်) ဖြစ်ရလေသည်။
+ ရှေ့နောက်နှစ်ရပ်၊ ကုသိုလ်ညှပ်၊ ဥက္ကဌ်ဆင့်၍ခေါ်။
+ ရှေ့နောက်နှစ်တန်၊ အကုခြံ၊ တဖန်သြမကခေါ်။
ဤမျှဖြင့် ကုသိုလ်အကြောင်းနားလည်လောက်ပြီဖြစ်ပါသည်။ အလုပ်တစ်ခုခုလုပ်ရာတွင် ဦးတည် ချက် ရည်မှန်းချက်ထားရသကဲ့သို့ ကုသိုလ်ပြုရာ တွင်လည်း ဦးတည်ချက် ရည်ရွယ်ချက် (ပတ္ထနာ) ထားရပေ သည်။ ဤနိုင်ငံသားတို့သည် ကုသိုလ် ကောင်းမှုပြုရာ၌ တုံ့ဆိုင်းခြင်းမရှိပေ။ စွန်ကြဲပေးကမ်း လှူဒါန်းရာ၌ လည်း စေတနာရက်ရောလှပေသည်။ ဤကုသိုလ်စေတနာတွေကြောင့် ဆန်ရေစပါးပေါများ၍၊ သယံဇာတများ ကြွယ်ဝ လျက်ရှိနေခြင်းဖြစ်သည်ဟုဆိုရပေမည်။ နိုင်ငံသားတို့၌ အဖိုးထိုက်စွာ အမြစ်တွယ် လျှက်ရှိနေသော ယင်းကုသိုလ် စေတနာလေးများ ချို့ယွင်း ပျက်သွားမည်ကို စာရေးသူ အလွန်စိုးရိမ်မိ သည်။ ယင်းသို့ကုသိုလ် ကောင်းမှုပြုရာတွင် စေတနာမှန်သော်လည်း လုပ်နည်းလုပ်ဟန်လွှဲနေလျှင် အကျိုးရ နည်းပါးနိုင်ပါသည်။ ထို့ကြောင့် မည်သည့်ကောင်းမှု ပင်ပြုပြု လောကီချမ်းသာ လောကီ ပကာသနတွေကို မမျှော်ဘဲ မဂ်ဖိုလ်နိဗ္ဗာန် လောကုတ္တရာချမ်းသာတို့ကို ရည်မှန်း၍ ပြုသင့်လှပေသည်။
ဝေလာမပုဏ္ဏားကဲ့သို့ ထမင်းရည်ချောင်းစီးအောင်လှူသည်ပင်ဖြစ်စေ၊ လောကီင်္ချမ်းသာ၊ လောကီပကာသန တို့ကိုမျှော်၍ပြုလျှင်၊ မစ္ဆာပဋိပဒါ- အသိလွဲအမြင်လွဲ၊ လုပ်နည်းလုပ်ဟန် လွဲမှားခြင်း သာဖြစ်၏။ တစ်ယောက်ချိုမျှ လောက်သော ယာဂုကိုလှူသည်ဖြစ်စေ၊ နိဗ္ဗာန်ချမ်းသာကိုရည်မှန်း၍ လှူဒါန်းလျှင် သမ္မာပဋိပဒါ - အသိမှန် အမြင်မှန်၊ လုပ်နည်း လုပ်ဟန်မှန်ကန်ခြင်းဖြစ်၏။ (သံယုတ် နိဒါနဝဂ္ဂကထာ-ပဋိပဒါသုတ် ၁၈-ရှု့)။ ထိုပြင်ကုသိုလ်ကောင်းမှု ပြုရာ၌ ''ဣဒံမေ ဒါနံ အာသဝက္ခယံ ဝဟံ ဟောတု၊ ငါ၏ ဤဒါနကောင်းမှုသည် အာသဝေါတရား ၄ ပါးတို့၏ ကုန်ရာနိဗ္ဗာန်ကို ပို့ဆောင်နိုင်ပါစေဟု နှုတ်ဖြင့်ရွတ်ဆို၍ (ရည်မှန်း၍) ပြုလျှင် ဗောဓိဆု ၃ မျိုးကိုပင် အလိုလို ပြီးနိုင်ပါသည်။
ဗောဓိဆု ၃ မျိုးမှာ.....
(၁) သာဝကဗောဓိဆု- သာဝကအဖြစ်နှင့်သစ္စာလေးပါးကို သိမြင်ခြင်း။
(၂) ပစ္စေကဗောဓိဆု- ဘုရားငယ်တစ်ဆူအဖြစ်နှင့်အဖြစ်နှင့်သစ္စာလေးပါးကိုသိမြင်ခြင်း။
(၃) သမ္မာ သမ္ဗောဓိဆု- ဗုဒ္ဓအဖြစ်နှင့်သစ္စာလေးပါးကို သိမြင်ခြင်း။
မိမိတို့၏ ပါရမီအလျှောက် ဤဗောဓိဆုကြီးများ ပြီးမြောက်နိုင်ကြသည်ဟူလို။ ထို့ကြောင့် ကုသိုလ်ကောင်းမှု ပြုရာတွင် ကမ္မဿကတာဥာဏ်၊ ဝိပဿနာဥာဏ်နှင့် ယှဉ်သော ဥာဏသမ္ပယုတ် ကုသိုလ်ဖြင့်၎င်း၊ လောဘ ဒေါသစသော အကုသိုလ်တို့ မခြံရံ အထက်တန်းစား တိဟိတ်ကုသိုလ်ဖြင့်၎င်း၊ နိဗ္ဗာန်ကို ရည်မှန်း၍ ကြိုးပန်းအား ထုတ်နိုင်ကြပါစေသတည်း။
ဓမ္မဗျူဟာ (အတွဲ ၉၊ အမှတ်၁၂)
အရှင်သုမနသာရ(ဖြူး)

Read More

ကြင်နာခြင်း ဆိုရာဝယ်

ပတ်ဝန်းကျင်အပေါ် အကြင်နာ ထားတယ်ဆိုတာ
ကိန်းကြီး ခန်းကြီး နိုင်တဲ့ တရားလည်းမဟုတ် ဘူး။
လက်လှမ်းမမှီသော အကျင့်ခက်တဲ့ တရားလည်း
မဟုတ်ဘူး။ ပြီးတော့ ဘာသာရေးကိုင်းရှိုင်း သူတို့သာ
လုပ်အပ်တဲ့ သီးသန့်ခြားနားတဲ့ အလုပ်လည်း မဟုတ် ဘူး။

အကြင်နာ ထားတယ် ဆိုတာ ပေါ့ပါးလွယ်ကူ လွန်းပါ
တယ်။ ကျနော်တို့ နေစဉ်ကျင်လည်နေတဲ့ ပတ်ဝန်းကျင်
ထဲမှာ သွားရင်းလာရင်း လုပ်ကိုင်ပေးသွား လို့ ရတဲ့
အကျင့်ဖြစ်ပါတယ်။ ဒါကို ခမ်းနားကြီးကျယ်တဲ့ စကား
လုံးတွေ နဲ့ ဖော်ပြပြောဆိုနေစရာ မလိုပါဘူး။
အမယ်အို တစ်ယောက် ကားလမ်းဖြတ်ကူး ဖို့ အခက်
တွေ့နေတယ်။ ဒါကို ကူညီဖို့ ကျနော်တို့ ဘယ်လောက်
ပင်ပန်း မှာလဲ။ ဘယ်လောက် အင့်အားစိုက်ထုတ်ရမှာ
မိုလို့လဲ။ ဘာမှ ငွေကြေးနဲ့ လူ့အင့်အားမလိုပဲ အကြင်နာ
ထားလို့ရတယ်။ ကိုယ့်ခရီးကို ခနရပ်ပြီး အဘွားကို ကူ၍
လမ်းကူး ပေးလိုက်ရုံသာ ။ ဒါက ပေါ့ပါး လွယ်ကူသော
လုပ်ရပ်ဖြစ်တယ်။
လူတစ်ယောက် မနိုင်မနင်းဖြစ်၍ ပစ္စည်းတစ်ချို့ ပြုတ်
ကျတယ်။ ဒါကို ခန ဝင်ကူ ကောက်ပေး ဖို့ လွန်စွာ ခက်
ခဲနေပါသလား။ခန လေးပါ မပင်ပန်း ပါဘူး။ ကူပြီး
ကောက်ပေး လိုက်ရုံသာ။ ဒါကို ကြင်နာခြင်း လို့ ဆိုနိုင်
တယ်။
ကားစီးတဲ့ ၊ရထားစီးတဲ့အခါ၊ စားသောက် ဝင်ရောက်တဲ့
အခါ လိုအပ်ချက်တွေနဲ့ အကူညီလိုနေသူတွေ တွေ့ရမှာ
ဖြစ်ပါတယ်။ဒီလို အခြေအနေ တွေ့တဲ့အခါ ကိုယ်က
ကြင်နာ နိုင်တဲ့ အနေအထားမှာ ရှိနေရင် စွမ်းသလောက်
မျှဝေ ကြင်နာ ပေးလိုက်ရုံသာ ဖြစ်ပါတယ်။ကိုယ်က
ကြင်နာ နိုင်တဲ့ အနေအထားမှာ ရှိပါလျှက် ဥပေက္ခာပြု့
မဆိုင်သလိုနေလိုက်ခြင်းဟာ အကြင်နာကင်းရာ ကျပါ
တယ်။
ဈေးတောင်းပင့်တာ မနိုင်မနင်း ဖြစ်နေသူ တွေ့ရမယ်။
ပင့်ပေးဖို့ သူ့မှာ အကူညီလိုနေတယ်။ ကျနော်တို့ မကြင်
နာနိုင်ဘူးလား။ သိပ်ပြီး ခက်ခဲနေ လို့လား။
အမှန်စင်စစ် ကျနော်တို့ ပတ်ဝန်းကျင်တွင် အကြင်နာ
တရား ငတ်မွတ်ပြီး အကူညီလိုနေသူတွေ များစွာ ရှိ
တယ်။အကူညီကတော့ ကျနော်တို့ ကူနိုင်တာလည်း
ရှိတယ်။ မကူနိုင်တာလည်း ရှိတယ်ပေါ့။
ရထားလက်မှတ် ဖြတ်ဖို့ ဘယ်သွားရမှန်း မသိသူက
နေရာလာမေးတယ် ။ ဒါက ကျနော်တို့ သိနေရင် ဘာမှ
ခက်ခဲတဲ့ အလုပ်မဟုတ် ဘူး။ ဒီအတိုင်း တည့်တည့်
သွား ၊ရှေ့က ပလက်ဖောင်း ရောက်ရင် ဘယ်ဘက်ချိုး
လိုက် ၊ဒါဆို ရပြီ။ ဒီအလုပ်က လွယ်ကူ လွန်းနေတယ်
မဟုတ်ပါလား။ ဒါက ကြင်နာခြင်းပဲ။
လူမဟုတ်ဘူး ၊ခွေးကလေးတစ်ကောင် ရထားလမ်း
ပေါ်တက်နေတယ် ။ဒီအတိုင်းဆို ရထားလာရင် သူ
အကြိတ်ခံရမယ်။ တကယ်တက်နိုင်ခဲ့ရင် ခွေးကလေး
ကို မိမိမျက်စိရှေ့မှာ ရထားကြိတ်သွားတာကို လက်
ပိုက်ကြည့်မနေ သင့်ပေ။ ဒါကို ကြင်နာဖို့ အောက်တန်း
ကျတယ် လို့ ဆိုချင်ပါလား။အကြင်နာ တရားဆိုတာ
လူကို ကူကူ ခွေးကို ကူကူ အကြင်နာ ဟူသာ အမည်
ရတယ်။ ခွေးကို ကူလို့ အကြင်နာယုတ်လျှော့တယ် ဆို
တာ မရှိ ဘူး။
လောကအပေါ်ကြင်နာခြင်းဆိုတာ ဖောင်ဒေးရှင်းကြီး
ထောင်ပြီး ပြု့စုနေမှ ရတာမဟုတ်ဘူး။
မိမိသာ လောက ကို ချစ်တဲ့စိတ်၊ကြင်နာတဲ့ စိတ် ရှိနေ
ရင် အချစ်ခံသင့်တဲ့ ၊အကြင်နာထားသင့်တဲ့ လူတွေ ၊
တိရိစ္ဆာန်တွေ များစွာ ရှိနေတယ်။ ဒီမှာ နိုင်သလောက်
သွားရင်း လာရင် မိမိရဲ့ အကြင်နာကို ပြသွားလို့ ရပါ
တယ်။
ဖိနပ် စီးစရာ မရှိသူတွေ တွေ့ရမယ်။ စားသောက်စရာ
ငွေ မရှိသူတွေ တွေ့ရမယ်။အင်္ကျီအဝတ်အစား လိုနေ
သူတွေ တွေ့ရမယ်။ ဒါက သာမန် အခြေအနေ တစ်ခု
ပိုင်ဆိုင်တဲ့သူတိုင်း ကူညီပေးနိုင်တဲ့ အနေအထားများ
ဖြစ်ပါတယ်။
ဒီမှာ ကြင်နာခြင်း ပြယုတ်အတွက် ၊ဒါက ကုသိုလ်တရား
ပဲ ။ပြန်အကျိုးပေးတဲ့ အခါ ကောင်းကျိုးပေးမယ် ဆို
တာ အပြု့အမူကို အကဲဖြတ်မယ့် ဘာသာတရားရဲ့
ကိစ္စပဲ ။ မိမိက ဒါတွေ အကဲဖြတ်နေဖို့ မလိုပါဘူး။
အမှန်ပင် အကြင်နာထားတယ်ဆိုတာ ခက်ခဲတဲ့ အလုပ်
မဟုတ် ဘူး။ မိမိရဲ့ ခြေထောက် တစ်နေရာလေး ဖယ်
ပေး လိုက်လို့ သူမှာ အနေချောင်သွားရတယ် ဆိုရင်
ဒါက ကြင်နာခြင်း ပဲ ။ ထီးတစ်လက်ပေး ခဲ့ဖို့ ။မုန့် တစ်ခု
ပေးခဲ့ဖို့ ၊ ဖိနပ်တစ်ရံ ပေးခဲ့ဖို့ တကယ်ကြင်နာတတ်သူ
မှာ ခက်ခဲနေမှာ မဟုတ်ပါဘူး။
အမှန်ပင် လောကကို ချစ်တဲ့စိတ်နဲ့ သာ ကြည့်ပါ။
အကြင်နာ ထားတယ်ဆိုတာ ပေါးပါးလွယ်ကူ လွန်းပါ
တယ်။ ကြင်နာချင်တဲ့ စိတ်နှလုံးသား ရှိနေတာနဲ့ ထိုသူ
သွားရာလမ်းတစ်လျောက်က် ကြင်နာခြင်း များ ဝေဆာ
ဖူးပွင့် လာမည်သာ ဖြစ်ပါတယ်။
Oo Thaw
Credit>>photo



 

Read More

အဆင့်မြင့်လူ

ဓမ္မ မိတ်ဆွေများအတွက် သိကောင်းစရာ အဖြာဖြာ

 လောကမှာ လူ-၃ မျိုးရှိတယ်၊ အဆင့်မြင့်လူ, အလယ်အလတ်လူ, အဆင့်နိမ့်လူလို့ လူ ၃-မျိုးမှာ ပရိတ်သတ်အပေါင်း သူတော်ကောင်းတွေက အဆင့်မြင့်လူထဲမှာ ပါဝင်ကြတယ်။
အဆင့်မြင့်လူဆိုတာ အဆင့်မြင့်ဆုံးဖြစ်တဲ့ ရတနာနဲ့ တွေ့နေရတဲ့ ပုဂ္ဂိုလ်ဖြစ်ပါတယ်။ အဆင့်အလွန်မြင့်တဲ့ ပုဂ္ဂိုလ်တွေဟာ အဆင့်အမြင့်ဆုံးရတနာနဲ့ တွေ့ကြရမှာပါ။
ရတနာဆိုတာ ရတနာနဲ့ ထိုက်တန်သူေ
 တွ အတွက်သာ တန်ဖိုးရှိတာ၊ ရတနာနဲ့ မထိုက်တန်တဲ့ပုဂ္ဂိလ်များဟာ ရတနာနဲ့တွေ့ပေမယ့် စွမ်းအားရမှာ မဟုတ်ဘူး၊ သုံးဆောင်ခွင့်ရရှိမှာလည်း မဟုတ်ဘူး။
မိမိတို့တွေ အစမထင် သံသရာကစပြီး သံသရာတစ်လျှောက်ကျင်လည်ခဲ့တာ တိုင်းတာကန့်သတ်လို့ မရတော့ဘူး။ ဘုရားနဲ့လည်းတွေ့တော့ တွေ့ခဲ့ကြမှာပါ၊ ဒါပေမယ့် ကံမျက်လုံးနဲ့ တွေ့ခဲ့ပေမယ့် ဘုရားနဲ့ထိုက်တန်တဲ့ ဉာဏ်မျက်လုံးမပါလို့ လက်လွှတ်ခဲ့ရတာတွေ အများကြီးပါ။
တရားသံတွေလည်း ကြားတော့ကြားခဲ့ကြမှာပါပဲ၊ ကံနားနဲ့တော့ကြားခဲ့ကြမှာပါ၊ ဉာဏ်နားမပါလို့ လက်လွှတ်ဆုံးရှုံးခဲ့ကြရတာတွေဟာ တိုင်းတာကန့်သတ်လို့ မရနိုင်တော့ဘူး။
ဒီဘ၀မှာတော့ ကံမျက်လုံးလည်းပါတယ်၊ ကံနားလည်းပါတယ်၊ ကံမျက်လုံးနောက်က ဉာဏ်မျက်လုံးလိုက်နေတယ်၊ ကံနားနောက်က ဉာဏ်နားကလည်း တစ်ပါတည်း ပါနေကြတယ်။
ဒါကြောင့်မို့ အဆင့်မြင့်ရတနာကို လက်ခံနိုင်စွမ်းရှိတယ်၊ လက်ခံနိုင်စွမ်းရှိရင် အဲဒါ အဆင့်မြင့်လူပေါ့၊ ကမ္ဘာမှာ အချမ်းသာဆုံးလူဆိုတာ အဲသလို စိတ်ထားမြင့်မားသူ, ရင့်ကျင်သူ, မြင့်တက်သူ, စွမ်းအားရှိသူများကိုသာ ကမ္ဘာ့အချမ်းသာဆုံးလူလို့ ခေါ်တယ်။

 

ပစ္စည်းနှပ်စက်လို့ ဒုက္ခရောက်သူတွေ
ရှိတိုင်းချမ်းသာတာမဟုတ်ပါ၊ အသိနောက်ကလိုက်မှ ချမ်းသာပါတယ်၊ အရှိနောက်က အသိမလိုက်နိုင်ရင် အရှိမှန်သမျှ ဒုက္ခချည်းပါ၊ အရှိရဲ့ ရှေ့က အသိဦးမဆောင်ရင် အရှိက ကိုယ့် ပြန်နှိပ်စက်ပါတယ်။
မြွေဖမ်းတဲ့အခါ ခေါင်းကမဖမ်းပဲ ကိုယ်က အမြီးကဖမ်းရင် ကိုယ့်ပြန်ကိုက်မှာ သေချာတယ်ပေါ့၊ မြွေကိုက်ခံရလို့ သေသွားနိုင်တယ်ပေါ့။
ကိုယ်ရှာထားတဲ့ ပစ္စည်း, ဥစ္စာတွေကို တရားနဲ့ ဖိဖိစီးစီးမဖမ်းပဲ အမြီးက, ကိုယ်က, မထီမဲ့မြင်ဖမ်းလိုက်ရင် ပစ္စည်းတွေက ကိုယ့်ပြန်ကိုက်မှာပဲ၊ ပစ္စည်းအနှိပ်စက်ခံပြီး ဒုက္ခရောက်ကြမှာပဲ။
တစ်လောကလုံး ခြုံကြည့်ပါ၊ ပစ္စည်းနှိပ်လို့ ဒုက္ခရောက်နေတဲ့သူတွေ, ပစ္စည်းအထိန်းမတတ်လို့, ပိုက်ဆတွေအဖမ်းမတတ်လို့, တရားနဲ့ဖိဖိစီးစီး မဖမ်းနိုင်လို့, ကိုယ့်ပြန်ကိုက်ပြီးတော့ ရှိလို့ငိုနေရတဲ့သူတွေ, ရှိလို့ပူနေရတဲ့သူတွေ ရှိလို့ဆင်းရဲနေရတဲ့သူတွေ အများကြီးပါ။
မရှိလို့ဆင်းရဲရင်ဖြေသာတယ်
မရှိလို့ ဆင်းရဲရင် “သြော် ရှိမှမရှိပဲကို”လို့ နည်းနည်းဖြေသာတယ်၊ ရှိလျက်သားနဲ့ ဆင်းရဲရတာက ပိုပြီး နာပါတယ်။
ဒါကြောင့် ရှိတိုင်းချမ်းသာကြတာ မဟုတ်ပဲ၊ အရှိနောက်က အသိလိုက်နိုင်မှ, အရှိကို အသိနဲ့ မိအောင်ဖမ်းနိုင်မှ, အရှိသည် ကိုယ့်ကို ချမ်းသာအောင် ဆောင်ရွက်ပေးမှာပါ။
လူအများကတော့ ပြောကြတယ်ပေါ့၊ “ပိုက်ဆံရှိရင် ချမ်းသာမှာ ပစ္စည်းတွေပေါရင် ချမ်းသာမှာ”လို့။
ဒါကတော့ မျှော်လင့်ချက်ကလေးနဲ့ ပြောကြတာပါ၊ တကယ်တော့ သိပ်ပြီး ပိုက်ဆံရှိလာပြီဆိုရင် “ကျွန်တော်တော့ ချမ်းသာပါပြီ, ကျွန်မတော့ ချမ်းသာပါပြီ”လို့ ဘယ်သူများ ရဲရဲပြောရဲလို့လဲ၊ တကယ်တမ်းကျတော့ ချမ်းသာပါပြီလို့ ဘယ်သူမှ မကြုံးဝါးရဲပါဘူး။
အရှိကို အသိနဲ့ ဘယ်လောက်အဖိုးတန်အောင် သုံးနိုင်သလဲ
ဘေးကတော့ ပြောကြတယ်ပေါ့, ဘယ်သူတော့ အရမ်းချမ်းသာတာ, ဘာလို့တုန်းဗျ, သူက သိန်း ၁၀၀၀ လောက်တောင်ရှိတာ စသည်ဖြင့်ပေါ့၊ ဘေးကပြောတာ တကယ့်ကာယကံရှင် ကိုယ်တိုင်ကတော့ ပြောတာမဟုတ်ပါဘူး။
အရမ်းချမ်းသာတယ်ဆိုတာ အရှိကိုကြည့်ပြီးပြောတာ။
* အရှိနောက်ကအသိ, ဘယ်လောက်လိုက်နိုင်သလဲ?, * အရှိကို အသိက, ဘယ်လောက်မိအောင် ဖမ်းနိုင်သလဲ?, * အရှိကို အသိနဲ့, ဘယ်လောက်အဖိုးတန်အောင် သုံးနိုင်သလဲ?။
အဲဒါကိုတော့ တိုင်းတာခြင်းမပြုပဲ၊ အရှိတစ်ခုလောက်ကြည့်ပြီး “ချမ်းသာတယ်, ချမ်းသာတာမှ အရမ်းကြီးကို ချမ်းသာတာ”လို့ ပြောကြတာ၊ ရိုးရိုးတောင် မဟုတ်သေးဘူး၊ အရမ်းချမ်းသာတာ, အရမ်းကြီးကို ချမ်းသာတာနော်။
ဟုတ်တယ်၊ အရမ်းကြီးပေါ့၊ အခုပဲ ပြုံးပြုံး, ပြုံးပြုံးနဲ့ ဘာကြာလို့လဲ ငိုရတော့တာပဲ၊ အခုပဲ ချစ်ချစ်ခင်ခင်နဲ့ ဘာကြာလို့လဲ, နှစ်ယောက်ကွဲပါရော, စသည်ဖြင့် အရမ်းချမ်းသာနေကြတာလေ။
ဒုက္ခသစ္စာလို့ အဖြေထွက်လာတယ်
ချမ်းသာနေကြပါတယ်လို့ သမုတ်နေကြတဲ့, ပိုက်ဆံတွေ, ပစ္စည်းတွေက, တကယ့်ချမ်းသာဟုတ်သလား, မဟုတ်သလားဆိုတာ သာသနာ့ ဓာတ်ခွဲခန်းထဲထည့်ကြည့်မှ အဖြေထွက်မယ်။
သာသနာ့ဓာတ်ခွဲခန်းထဲထည့် ကြည့်လိုက်တော့ အဖြေပေါ်လာတယ်၊ ဒုက္ခသစ္စာတဲ့၊ သုခလို့ အဖြေမပေးဘူး၊ ဒုက္ခသစ္စာလို့ အဖြေထွက်လာတယ်။
“ပိုက်ဆံနဲ့ ပစ္စည်း ပေါရင် ချမ်းသာရမှာပေါ့, ဘယ့်နှယ့် ဒုက္ခသစ္စာ ဖြစ်ရမှာလဲ”ဆိုပြီး မကျေနပ်နပ်လို့ “သေချာအောင် နောက်တစ်ခါ သာသနာ့ ဓာတ်ခွဲခန်းထဲ ထည့်ကြည့်ဦးမှပါလေ” ထည့်ကြည့် လိုက်တယ်၊ ဟော - ဒုက္ခသစ္စာတဲ့၊ ဒီ အတိုင်းချည်းပဲ အဖြေထပ်ထွက်လာတယ်။
ဒုက္ခတောင် ရိုးရိုးမဟုတ်သေးဘူး၊ “သစ္စာ”ပါတယ်၊ မှန်လိုက်တာ၊ ဘယ်သူမှ ကန့်ကွက်လို့မရ၊ ဘယ်သူမ မဟုတ်ပါဘူး ငြင်းလို့မရတဲ့ ဒုက္ခပေါ့။
အဲသလိုဆိုရင် လောင်စာတွေပဲ၊ အဲဒီလောင်စာတွေကို ကိုယ့်သန္တာန်က တဏှာသမုဒယ သစ္စာမီးနဲ့ ရှို့လိုက်တော့ လောင်စာနဲ့ မီးတွေ့ပြီးလောင်ရော။
အဲသလိုလောင်တာကိုပဲ ချမ်းသာ, ချမ်းသာလို့ သမုတ်ပြီးတော့ ဒါနဲ့ပဲ တစ်ဘ၀ကုန်သွားခဲ့ကြတာ၊ သံသရာမှာ တိုင်းတာလို့, ကန့်သတ်လို့, ရေတွက်လို့ မရတော့ဘူး။
အဆင့်မြင့်အသိကို ရထားသောကြောင့် အဆင့်မြင့်လူ
ဒီဘ၀မှာတော့ သာသနာကပေးထားတဲ့ အသိဉာဏ်လေးရထားတော့ အရှိကို အသိနဲ့ ထိန်း၍ အဖိုးတန်အောင် သုံးနိုင်ခွင့်ရကြပါတယ်။
အဆင့်မြင့်လူဆိုတာ, အဆင့်မြင့်အသိကို ရထားသောကြောင့်။ ရှိတာနဲ့ ချမ်းသာအောင် နေတတ်သောကြောင့်, အဆင့်မြင့်လူလို့ပြောတာပါ။
ဆင်းရဲနေပြီဆိုပြီး အထင်မသေးလိုက်နဲ့
သာသနာမှာ ထိပ်တန်းကျင့်နေတဲ့ ပုဂ္ဂိုလ်တွေ, ဓူတင် ၁၃-ပါးဆောင်တဲ့ ပုဂ္ဂိုလ်တွေရဲ့ အရှိကို ကြည့်စမ်းပါဗျာ၊ သပိတ်တစ်လုံးနဲ့ သင်္ကန်းသုံးထည်ပဲ၊ ဘာမှမရှိဘူး၊ နေတော့လဲသစ်ပင်အောက် စသည်မှာ -
“သြော်.... သူတော့ဖြင့် အရမ်းဆင်းရဲနေပြီတဲ့” လို့များတော့ သွားပြီး အထင်တော့ မသေးလိုက်ပါနဲ့၊ အချမ်းသာဆုံးလူပါ။
သပိတ်တစ်လုံးနဲ့ သင်္ကန်းသုံးထည်ပဲရှိလို့ “ပစ္စည်းတွေရှားပါးလှချည်လား၊ ချို့တဲ့လှချည်လား၊ သူတော့ အရမ်းဆင်းရဲနေပြီ သနားစရာ”လို့များ အထင်တော့ မသေးလိုက်ပါနဲ့၊ သာသနာမှာ ဒါမျိုးကို လူချမ်းသာခေါ်တာပါ။
ပစ္စည်းတွေ ရှိလာရင်တောင်မှ တွယ်တာခြင်းမရှိ၊ စွဲလန်းခြင်းမရှိ၊ ကပ်ငြိခြင်းမရှိ၊ ပေါ်ပေါက်လာလို့သာ ၀တ္တရားအရ ထိန်းသိမ်းထားရတာ၊ ဘယ်သူယူယူ, ယူချင်တဲ့သူယူပဲ, ဒါမှမဟုတ်ကိုယ်က အကုန်ဖြန့်ဝေပေးလိုက်မှာပဲ။
ဒါကြောင့် တကယ်စုရမှာက တရားပါ၊ သက်မဲ့သက်ရှိတွေ အပေါ်ဝင်ထိန်းရမှာက အသိတရား၊ ဒါကြောင့် ကမ္ဘာ့အချမ်းသာဆုံးလူဆိုတာ ရှိတာနဲ့ ချမ်းသာအောင် နေတတ်တဲ့သူကို ခေါ်တာ၊
ဘာနဲ့တွေ့တွေ့ ဘယ်အာရုံနဲ့တွေ့တွေ့ ငြိမ်းချမ်းစွာ, တည်ငြိမ်စွာ, ရင့်ကျင့်စွာနေတတ်တယ်၊ အာရုံထောင်းထုမှုခံနိုင်တယ်၊ သူများငိုနေကြတဲ့နေရာမှာ ပြုံးပြုံး, ပြုံးပြုံးနဲ့ နှလုံးအေးအောင်နေတတ်တယ်။
သာသနာနဲ့ မတွေ့တဲ့လူ ဘ၀အခက်အခဲ ဖြေစရာမရှိ
သာသနာနဲ့မတွေ့တဲ့သူတွေကို အကဲခတ်ပါ၊ သူ့မှာရုပ်ဝတ္ထုနဲ့ အရေအတွက်ပဲပါတယ်၊ ခုနပြောတဲ့ ဘယ်သူတွေ ဘယ်လောက်ချမ်းသာတယ်ဆိုတာ သူ့ပစ္စည်းကြည့်ပြောကြတာ၊ သူ့အသိတရား ဘယ်လောက်ရှိတယ်ဆိုတာ သိရတာမဟုတ်ဘူး။
သူ့ (သာသနာနဲ့မတွေ့တဲ့လူ)မှာ အစားထိုးစရာ မရှိပါဘူး။ လဲတယ်ဆို ထူစရာမရှိပါဘူး။ ရုပ်ဝတ္ထုတွေ အဆင်ပြေနေတုန်း ခပ်ပြုံးပြုံးနေနိုင်လိမ့်မယ်၊ ထစ်ကနဲတစ်ခုခုအဆင် မပြေပြီဆိုတာနဲ့ တစ်ပြိုင်နက် ဒေါသတွေလာပြီ, အပူတွေလာပြီ, တုတ်တွေ, ဓားတွေ, တန်းစီစောင့်နေကြပြီ။
ဒါမှမဟုတ် ပတ်ဝန်းကျင်ကို ဘယ်လိုမှ လက်လှမ်းမမှီတော့ဘူးဆိုရင် ကိုယ့်ဟာကိုယ် ဒုက္ခပေးတော့မယ်၊ အရက်တွေသောက်တော့မယ်၊ မူးယစ်ဆေးဝါးတွေ သုံးစွဲတော့မယ်၊ အဆိပ်တွေသောက်တော့မယ်၊ တိုက်အမြင့်ကြီးတွေပေါ်တက်, ကယောင်ကတမ်းခုန်ချတော့မှာ။
သူ့မှာ အစားထိုးစရာမရှိဘူး၊ ဘ၀အခက်အခဲကို ဖြေစရာမရှိဘူး၊ ဟာနဲပျောက်ကွယ်သွားတဲ့နေရာမှာ “ဟောဒါပဲ”လို့ အစားထိုးစရာ မရှိဘူး၊ ဘိုင်းကနဲလဲသွားတဲ့စိတ်ကို ထူပေးစရာ တရားမရှိဘူး၊ ဒါကို အဆင့်နိမ့်လူလို့ခေါ်ပါတယ်။
အဲသလိုဆိုတော့ မိမိတို့မှာ ရတနာနဲ့တွေ့နေရတာမို့ အဆင့်မြင့်လူတွေ ဖြစ်ကြတယ်၊ ဒါကြောင့် သာသနာနဲ့တွေ့တဲ့ပုဂ္ဂိုလ်၊ ရတနာသုံးပါးနဲ့တွေ့ရတဲ့ပုဂ္ဂိုလ်များဟာ လောကမှာ ကံအကောင်းဆုံးလူများဖြစ်ပါတယ်။
တိပိဋကဓရဓမ္မဘဏ္ဍာဂါရိက ယောဆရာတော်



 

Read More

ဒေါ်အောင်ဆန်းစုကြည် ဗြိတိန်ခရီးစဉ်တွင် ဗိုလ်ချုပ်အောင်ဆန်း တည်းခိုခဲ့သည့် ဟိုတယ်၌ တည်းခို

 

ဥရောပ၊ အရှေ့အလယ်ပိုင်းနှင့် အာဖရိကနိုင်ငံများမှ မြန်မာသံအမတ် ၁၂ ဦးနှင့် တွေ့ဆုံ

 

 

လန်ဒန်မြို့တွင် စက်တင်ဘာ ၁၁ ရက်က ဒေါ်အောင်ဆန်းစုကြည်နှင့် ၎င်း၏ သား ကင်မ်အဲရစ် မိသားစုတွေ့ဆုံနေစဉ် (ဓာတ်ပုံ − Maunggyi Min Min/Facebook)

 

 ဗိတိန်နိုင်ငံသို့ ရောက်ရှိ နေသော ဒေါ်အောင်ဆန်းစုကြည် သည် လေးနှစ်ကြာမတွေ့ခဲ့ရ သည့်သားငယ်ကိုထိန်လင်း(ခ)ကင်မ်အဲရစ်မိသားစုနှင့် တနင်္ဂနွေနေ့က တွေ့ဆုံခဲ့သည်။ ၁၉၄၇ က ဗိုလ်ချုပ်အောင်ဆန်း တည်းခိုခဲ့သော ဒေါ်ချက်စတာဟိုတယ်၌ပင် ဒေါ်အောင်ဆန်းစုကြည်တည်းခိုလျက်ရှိရာ သားနှင့်မြေးနှစ်ဦးက လာရောက်တွေ့ဆုံကြခြင်းဖြစ်သည်။
၎င်းတို့သားအမိကြား ယခု တွေ့ဆုံမှုသည် (၁၆) နှစ်အတွင်း တတိယ အကြိမ်ဖြစ်ပြီး နောက်ဆုံး တွေ့ဆုံချိန်မှာ ၂၀၁၂ ခုနှစ်က ဖြစ်သည်။
‘‘မြေးမလေးကတစ်ခါမှ မ တွေ့ဖူးဘူးတဲ့။ သူပျော်သွားတာ၊ ပင်ပန်းနေတာ၊ သူ့သားနဲ့မြေးတွေကို ချက်ချင်းခေါ်တာ။ တခြားလူတွေကို ကျော်ပြီးတော့ တခြားသံအမတ်တွေ၊ ဧည့်သည်တွေကျော်ပြီးတော့ သူ့သားကို ဒါလင်လို့ လှမ်းခေါ်ပြီးဖက်တာ’’ဟု ယင်းတွေ့ဆုံပွဲတွင်ရှိနေသည့် ကိုမင်းမင်းက ပြောကြားသည်။

လန်ဒန်မြို့တွင် စက်တင်ဘာ ၁၁ ရက်က ဒေါ်အောင်ဆန်းစုကြည်နှင့် ၎င်း၏ သား ကင်မ်အဲရစ် မိသားစုတွေ့ဆုံနေစဉ် (ဓာတ်ပုံ − Chan Nyein Moe / Facebook)
ဒေါ်အောင်ဆန်းစုကြည်နှင့် ၎င်း၏သား၊ မြေးများကြည်နူးဖွယ် ပြုံးရွှင်ပွေ့ဖက်နေပုံများကို လူမှု ကွန်ရက်ပေါ်တွင် လူထောင်ပေါင်းများစွာက ထပ်ဆင့်ဖြန့်ဝေခဲ့ကြသည်။
‘‘သူ့သားကို ပြေးဖက်လိုက် တဲ့အမေအိုရဲ့ အပျော်က တော် တော်လေးကြည်နူးရတယ်။ ကျန် တဲ့အချိန်တွေမှာ အမေအို မိသား စုနဲ့ ပျော်ပါစေ၊ ငြိမ်းချမ်းပါစေ’’ ဟု ကိုမင်းမင်းကဆိုသည်။
ဒေါ်အောင်ဆန်းစုကြည်၏ မြေးကြီးဖြစ်ပြီး ကင်မ်၏ သားကြီး Jimmy နှင့် သမီးငယ် Jocelyn တို့သည် အဘွားဖြစ်သူနှင့် ပထမဆုံးအကြိမ် တွေ့ဆုံမှုဖြစ်သည်ဟုဆိုကြသည်။
၁၉၈၉က ဒီမိုကရေစီလှုပ်ရှားမှုကြောင့် ဒေါ်အောင်ဆန်းစုကြည် ပထမဆုံးအကြိမ်ဖမ်းဆီးခံရချိန်တွင် ၎င်း၏ သားနှစ်ဦးအနက် သားငယ် ကင်မ်မှာအသက်(၁၁)နှစ်အရွယ်သာရှိသေးသည်။ နှစ်ပေါင်းများစွာအကြာ ၂၀၀၀ပြည့်နှစ် ဒီဇင်ဘာတွင် ကင်မ်နှင့်  တစ်ကြိမ်တွေ့ဆုံခွင့်ရခဲ့ပြီးနောက် စစ်အစိုးရက ၎င်း၏ ပြည်ဝင်ခွင့်ကို ဆယ်နှစ်ခန့်ဆက်တိုက် ငြင်းပယ်ခဲ့သည်။
 ထို့နောက် ၂၀၁၀ ပြည့်နှစ် နိုဝင်ဘာတွင် ဒေါ်အောင်ဆန်းစုကြည် နေအိမ်အကျယ်ချုပ်မှ လွတ်မြောက်ခဲ့ချိန်၌ ကင်မ်သည် မြန်မာနိုင်ငံသို့ ၀င်ရောက်ခွင့်ရခဲ့ပြီး သားအမိနှစ်ဦး ပြန်လည်တွေ့ဆုံနိုင်ခဲ့သည်။ ထို့နောက် ၂ နှစ်အကြာ ၂၀၁၂ တွင်မှ ဒေါ်အောင်ဆန်းစုကြည်၏ ဗြိတိန်ခရီးစဉ်၌ သားအမိနှစ်ဦးတွေ့ဆုံခဲ့ကြ သည်။
 ဒေါ်အောင်ဆန်းစုကြည် သည် ဗြိတိန်နိုင်ငံ ခရီးစဉ်အပြီး တွင် အမေရိကန်သို့ ဆက်လက် သွားရောက်မည်ဖြစ်ရာ ၎င်း၏ သားကြီး အလက်ဇန်းဒါးခေါ် ကိုမြင့်ဆန်းအာင်နှင့် တွေ့ဆုံရန် မျှော်လင့်နေကြသည်။
ဗြိတိန်နိုင်ငံသို့ လေးရက် ကြာ ရောက်ရှိနေသော ဒေါ် အောင်ဆန်းစုကြည်သည် စက် တင်ဘာ ၁၁ ရက်က လန်ဒန်ရှိ မြန်မာသံရုံးတွင် ဥရောပ၊အရှေ့ အလယ်ပိုင်းနှင့် အာဖရိကနိုင်ငံ များ၌ တာဝန်ထမ်းဆောင်နေ သော မြန်မာသံအမတ်ကြီး ၁၂ ဦးကို တွေ့ဆုံ၍ အစိုးရသစ်၏ မူ ၀ါဒများအား ရှင်းလင်းဆွေးနွေးခဲ့ သည်။
စက်တင်ဘာ ၁၂နှင့် ၁၃ရက် များတွင် ဗြိတိန်လွှတ်တော်၊ အစိုး ရခေါင်းဆောင်များနှင့်တွေ့ဆုံ မည်ဖြစ်ပြီး ဗြိတိန်ကာကွယ်ရေး တက္ကသိုလ်သို့ သွားရောက်လေ့ လာမည်ဖြစ်သည်။
ဗြိတိန်ဝန်ကြီးချုပ်ဟောင်းဒေးဗစ်ကင်မရွန်းနှင့် တွေ့ဆုံမည်ဖြစ်သကဲ့သို့ လက်ရှိဝန်ကြီးချုပ်သစ် ထရီဆာမေနှင့်လည်း တွေ့ဆုံမည်ဖြစ်သည်

Read More