အဖြူ အမည်း မရောတဲ့ ဒါန ••••••••••••••••••••••

အခါတစ်ပါး ဘုရားရှင်ဟာ ဝေသာလီပြည် မဟာဝုန်တော ပြသာဒ်အဆောင်ပေါက်သော ကျောင်းမှာ သီတင်းသုံး စံတော်မူတော်တယ်။ ထိုအခါ သီဟစစ်သူကြီးဟာ ဘုရားရှင်ထံတော်ပါး ချဉ်းကပ်ရှိခိုးပြီး..

“ အရှင်ဘုရား... အလှူပေးတဲ့ အတွက် ယခုဘဝ ရရှိခံစားရတဲ့ အကျိုးကို သိခြင်းငှာ စွမ်းနိုင်ပါသလား“ လို့ လျှောက်ထားတယ်။ ဘုရားရှင်က “စွမ်းနိုင်တယ်“လို့ မိန့်တော်မူပြီး-
အို ..သီဟစစ်သူကြီး
(၁) ပေးလှူတတ်တဲ့ အလှူရှင်ကို များစွာသော လူတို့က ချစ်မြတ်နိုးကြတယ်၊ ဤလို ချစ်မြတ်နိူးခြင်းဟာ ဒါနရဲ့ ပစ္စုပ္ပန်အကျိုးဖြစ်တယ်။
(၂) နောက်တစ်မျိုးက အလှူရှင်ထံကိုငြိမ်သက် တည်ကြည်သော စိတ်ထားရှိတဲ့ သူတော်ကောင်းများ ချဉ်းကပ်လာရောက်တတ်ကြတယ်။ ဤသူတော်ကောင်းများ ချဉ်းကပ်လာရောက်တတ်ခြင်းဟာလည်း ဒါနရဲ့ ပစ္စုပ္ပန်အကျိုး ဖြစ်တယ်။
(၃) နောက်တစ်မျိုးက အလှူရှင်ဟာ ထင်ပေါ်ကျော်ကြားမှူနှင့် ပြည့်စုံတယ်၊ ဤသို့ ထင်ပေါ်ကျော်ကြားမှူနှင့် ပြည့်စုံရခြင်းဟာလည်း ဒါနရဲ့ ပစ္စုပ္ပန်အကျိုး ဖြစ်တယ်။
(၄) နောက်တစ်မျိုးက အလှူရှင်ဟာ ရဲဝံ့တဲ့ မျက်နှာနှင့် ပရိသတ်များထံသို့ ရွှင်ရွှင်ပျပျ ချဉ်းကပ်နိုင်တယ်၊ ဤသို့ ချဉ်းကပ်နိုင်ခြင်းဟာလည်း ဒါနရဲ့ ပစ္စုပ္ပန်အကျိုး ဖြစ်တယ်။
(၅) နောက်တစ်မျိုးက အလှူရှင်ဟာ သေခါနီးအချိန်မှာ စိတ်နှလုံးကြည်လင်တယ်၊ စိတ်နှလုံး ကြည်လင်တဲ့ အတွက် သေပြီးသည်မှ နောက်ကာလ၌ ကောင်းသောလားရာဖြစ်တဲ့ နတ်ပြည်လောကသို့ ရောက်နိုင်တယ်၊ ဤသို့ သေပြီးသည့်နောက် နတ်ပြည်သို့ ရောက်ရခြင်းဟာ တမလွန်အကျိုး ဖြစ်တယ်။
ဒီဒေသနာတော်က ဒါနတရားဟာ တမလွန်အကျိုး၊ နိဗ္ဗာန်အကျိုးကိုသာမဟုတ် ယခု ပစ္စုပ္ဗန်အကျိုးကိုလည်း ပေးနိုင်တယ်ဆိုတာ ညွှန်ပြတဲ့ ဒေသနာတော် ဖြစ်ပါတယ်။
ထိုနောက် သမ္ပဒါလေးချက်နှင့် ပြည့်စုံပါလျှင် ကာကဝလ္လိယသူဌေး၊ ပုဏ္ဏသူဌေးတို့လို ယခုဘဝမှာပင် ဒါနက ချက်ချင်း အကျိုးပေးနိုင်ပါတယ်။ သမ္ပဒါလေးပါး ဆိုတာက...
(၁) ပစ္စယဓမ္မိက = အလှူရှင်က စင်ကြယ်သာ အလှူဝတ္ထုပစ္စည်းဖြစ်ခြင်း။
(၂) စေတနာမဟတ္တ = အလှူရှင်က စေတနာသုံးတန် လွန်ကဲမွန်မြတ်ခြင်း။
(၃) ဂုဏတိရေက = အလှူခံပုဂ္ဂိုလ်တို့တွင် ဂုဏ်အားဖြင့် လွန်ကဲမြင့်မြတ်သော ရဟန္တာပုဂ္ဂိုလ်ဖြစ်ခြင်း။
(၄) ဝတ္ထုသမ္ပတ္တိ = ထိုရဟန္တာ အရှင်မြတ်တို့ နိရောဓသမာပတ်မှ ထခိုက်ကြုံခြင်း တို့ဖြစ်ပေတယ်။
အလှူရှင်ဘက်ကလည်း ဖြူစင်သော စိတ်ထား၊ အလှူခံဘက်ကလည်း ဖြူစင်တယ် ဒါမျိုးကို အဖြူအမည်း မရောတဲ့ ဒါနမျိုးပါ။ ချဲ့ပါဦးအံ့ - အင်္ဂါငါးပါးနှင့် ပြည့်စုံရမယ်။ (၁) အလှူရှင်ကလည်း သီလနဲ့ ပြည့်စုံရမယ်။(၂) အလှူခံကလည်း သီလနဲ့ ပြည့်စုံရမယ်။ (၃) လှူဖွယ်ကလည်း တရားသောနည်းနဲ့ ရှာထားတာဖြစ်ရမယ်။ (၄) အလှူရှင်က စေတနာဖြူစင်ရမယ်။ (၅) ကံ ကံနှင့် အကျိုးကို ယုံကြည်သက်ဝင်သော သဒ္ဓါတရားနှင့် ပြည့်စုံရပါမယ်။ ဒါကြောင့် အချို့သံဃာတော်တွေက အလှူမခံမီ အလှူရှင်တို့အား ငါးပါးသီလစသည်ပေးတတ်ကြပါတယ်။ သီလယူလိုက်တဲ့အတွက် အလှူပြုစဉ် အလှူရှင်ဘက်က သီလနဲ့ ပြည့်စုံစေပါတယ်။
အချို့သော ပုဂ္ဂိုလ်များကတော့ နိဗ္ဗာန်ဆိုတာ ဘယ်မှာမှန်းမှ မသိသေး၊ သံသရာလောကဆိုတာကိုလည်း သူပြောလူပြောမျှနှင့် မယုံရခက် ယုံရခက်ဖြစ်နေကြတယ်။ ထိုပုဂ္ဂိုလ်များအတွက် သချုင်္ီင်းကုန်းရဲ့ ဟိုဘက်မှာမှ ခံစားရမည့် အကျိုးတရားဟာ ဘာမျှ တန်ဖိုးမရှိပါဘူး။ ဒါကြောင့် ဒါနဟာ လက်တွေ့ အားဖြင့် ဘာအကျိုးရှိသလဲ။ ငွေကုန် လူပန်းမျှသာ အကျိုးရှိတယ် မဟုတ်လားလို့ မေးစရာရှိပါတယ်။ အမှန်မှာ ဒါနတရားဟာ ကွယ်လွန်မှ အကျိုးခံစားရတဲ့ တရားမဟုတ်ပါဘူး။ ယခုဘဝမှာလည်း လက်ငင်းဒိဋ္ဌအကျိုးပေးတဲ့ တရားမြတ်ဖြစ်ပါတယ်။
အလှူရှင်တွေဘက်က ပြည့်စုံသလောက်ပြည့်စုံနေပေမယ့်။ ဒါနရဲ့ အကျိုးတွေက ဘာကြောင့်နည်းနေရသလဲ။ အလှူခံပုဂ္ဂိုလ် ရဟန်းတော်များလည်း လိုအပ်ပေတယ်။ အလှူခံထိုက်သော ရဟန်းရဲ့ အင်္ဂါသုံးပါးရှိပါတယ်။
(၁) ပါတိမောက္ခသံဝရသီလနှင့် ပြည့်စုံခြင်း ဟူသော အဆင်းနှင့်ပြည့်စုံခြင်း။
(၂) အကုသိုလ်တရားတို့ကို ပယ်ရန်၊ ကုသိုလ်တရားတို့ကို ပြည့်စုံစေရန် အပြင်းအထန် အားထုတ်ခြင်း ဟူသော ခွန်အားဗလနှင့် ပြည့်စုံခြင်း။
(၃) အာသဝေါတရားတုိ့ ကုန်ခန်းခြင်းကြောင့် အရဟတ္တဖိုလ်ကို မျက်မှောက်ပြု၍ နေခြင်းဟူသော လျင်မြန်ခြင်းနှင့် ပြည့်စုံခြင်း တို့ဖြစ်ပေတယ်။
မြန်မာတိုင်းရင်းသားတွေဟာ များသောအားဖြင့် ဗုဒ္ဓဘာသာဝင်တွေ ဖြစ်တယ်။ အလှူရေစက်လက်နှင့်မကွာ လှူချင်တန်းချင်သူတွေ အလွန်ပေါများတယ်။ အချို့ပုဂ္ဂိုလ်များကတော့ ဒါကို အကွက်ကောင်းယူပြီး မတရား အလှူခံချင်ကြပါတယ်။ လောကမှာ အလှူခံနှစ်မျိုးရှိတယ် - (၁) ဘုန်းကြီးများ နှင့် (၂) သူတောင်းစား ဖြစ်တယ်။
ဤအလှူခံနှစ်မျိုးဟာ မူအားဖြင့်လည်းမတူဘူး၊ အလှူခံယူပုံချင်းလည်းမတူပါဘူး။ သူတောင်းစားက ရသမျှ တောင်းပြီး ကာမဂုဏ်ခံစားရုံသာ ရှိတယ်။ ဘုန်းကြီးကတော့ ရသမျှမတောင်းရဘူး။ တောင်းလို့ရတော့ သုံးဆောင်ပြီး ဂန္တဓုရ ၊ ဝိပဿနာဓုရဆိုတဲ့ သာသနာ့အလုပ်ကို လုပ်ရတယ်။ အလှူခံယူပုံ အခြင်းအရာကလည်း သူတောင်းစားက ပါးစပ်က သနားစရာ တွတ်တီးတွတ်တာ ပြောပြီးတောင်းတယ်။ သနားစရာကိုယ်အင်္ဂါကို ထုတ်ပြီးတော့ တောင်းတယ်။ သီချင်းဆိုပြီးတောင်းတယ်။ ဘုန်းကြီးကတော့ မဖိတ်မန်ထားဘဲ ပါးစပ်ကဖွင့်ဟ မတောင်းကောင်းဘူး။ (ဤတွင်ရွှေငွေနှင့် ပါတ်သတ်၍ ဖိတ်မန်ထားသော်လည်း မတောင်းကောင်း) ကိုယ်အင်္ဂါကိုလည်း ဖွင့်လှစ်မပြကောင်းပါဘူး။ သေခိယနှင့်အညီ သင်္ကန်းရုံပြီးတော့မှ ရပ်ရပါတယ်။ တရားဟောလျှင်လည်း သီချင်းသံနှင့် မဟောကောင်းပါဘူး။ သီချင်းသံနှင့် တရားဟောလျှင် သူတောင်းစား သီချင်းဆိုပြီးတောင်းတာနှင့် တူပါတယ်။[ဒါနဟူသည် ..မှ]
ဘုရားရှင်ရဲ့ အဆုံးအမ(ဝိနည်း)သိက္ခာပုဒ်တိုင်း အလှူခံယူလျှင် ဗုဒ္ဓဘာသာဝင် ဒါယကာ ဒါယိကာမတွေဟာ ဘယ်တော့မှ အကြည်ညိုမပျက်တတ်ကြပါဘူး။ ခုတော့ သင်္ဘောပေါ် ရထားပေါ် ကားပေါ် ရွာတွင်း ရွာပြင် စသည်မှာ သင်္ကန်းကြီး ဒီလွှား ဒီလွှားနဲ့ အလှူခံနေကြတာ ဒကာ ဒကာမတွေ အများကြီး အကြည်ညိုပျက်စေပါတယ်။ ဒါကြောင့် “ အလှူခံ မလာရ ၊ အလှူခံခြင်း သည်းခံပါ“ စတဲ့ ဆိုင်းဘုတ်တွေတောင် ဆွဲချိတ်ကုန်ကြပြီ၊ ဒါဟာ အလှူရှင်တွေရဲ့ အပြစ်မဟုတ်ပါဘူး။ အလှူခံတို့ရဲ့ နည်းဟန်မကျတဲ့ အပြစ်သာဖြစ်တယ်။ [ဒါနဟူသည် ..မှ]
ဒါကြောင့် အလှူရှင်တွေဘက်က သီလပြည့်စုံ လှူဖွယ်ကလည်းသန့်စင် စေတနာကောင်းနေပေမယ့် အလှူခံကမပြည့်စုံရင် အဖြူအမည်းရောတဲ့ဒါနမည်တယ်။ အကျိုးပေးအားနည်းစေတယ်။ အကျိုးပေးဆိုတာ အလှူရှင်ရထိုက်တဲ့ အကျိုးမျိုးရှိတယ်။
၁။ကဲ့ရဲ့ခံရခြင်းမှကင်းခြင်း၊ ၂။ ငါ့အားသူတစ်ပါးလည်းပေးသလို မိမိသည်လည်း ပြန်လည်ပေး၍ ထပ်မံပြန်၍ အကျိုးကြီးရခြင်း၊ ၃။ ချီးမွမ်းခံရခြင်း၊ ၄။ ငါတို့သည်ထမင်းကို ချက်စားကြ၏ ရဟန်းတို့သည် မချက်စားဘဲ အလှူခံစားကြ၏ ထိုသူတို့အား ပေးလှူခြင်းငှာထိုက်ဟုသိကာ စေတနာထားပေးခြင်းကြောင့် မတောင့်တရဘဲ ကောင်းသောကျော်စော သီတင်းကြီးခြင်း၊ ၅။ သမထ,ဝိပဿနာ၊ နိဗ္ဗာန်ဟု ခေါ်ဆိုအပ်သော အကြီးမြတ်ဆုံးအကျိုးတို့ကို ရစေပါတယ်။


ဒါကြောင့် မြတ်စွာဘုရားရှင်က “ ချစ်သား ချစ်သမီးတို့ သီလကို ဖြူစင်အောင်ဖြည့်ကျင့်ကြကုန်လော သီလနှင့်ပြည့်စုံသောသူသည် မိမိ၏ လိုအင်ဆန္ဒဟူစမျှတို့သည် မချွတ်ဧကန်အမှန်ပင်ပြည့်စုံ တတ်ပေ၏“ လို့ ဟောတော်မူပါတယ်။ အဓိကအလှူခံဖြစ်တဲ့ ရဟန်းတွေမှာ သီလကိုကျိုးပျက်စေတာ ဇာတရူပသိက္ခာအပုဒ်(ရွှေငွေကို မအပ်သောနည်းဖြင့် အလှူခံယူခြင်း ကိုင်တွယ်သုံးစွဲခြင်း)နှင့် ဝိကာလဘောဇနသိက္ခာပုဒ်ပါ။

ရွှေငွေနှင့် ကာမဂုဏ်
***************
နောက်တစ်ခု --- ရဟန်းတော်များမှာ သိက္ခာပုဒ်တစ်ခု ရှိနေသေးတယ်။
အဲဒီသိက္ခာပုဒ်ကတော့ နာမည်ကျော်ဖြစ်တဲ့ အရှင်ဥပနန္ဒကို အကြောင်းခံ
ပြီးတော့ မြတ်စွာဘုရား ပညတ်တော်မူရတဲ့ သိက္ခာပုဒ်ဖြစ်ပါတယ်။ တစ်ချိန်မှာ
အရှင်ဥပနန္ဒက သာကီဝင်မင်းသားလည်း ဖြစ်ပါတယ်။ သာကီဝင်မင်းသား
ဖြစ်တဲ့အခါကျတော့ ဥပဓိရုပ်ကလည်း ကောင်းတယ်။ အဟောအပြောကလည်း
ကောင်းတယ်။ ကြည်ညိုတဲ့ ဒကာ၊ ဒကာမတွေလည်း များတယ်။
သူ့ကို အမြဲတမ်း ဆွမ်းဝတ်ပြုစုနေတဲ့ ဒကာတစ်ဦးလည်း ရှိတယ်။ ဒီဒကာ
အိမ်ကို သူက နေ့စဉ်ကြွပြီး ဆွမ်းဘုဉ်းပေးတဲ့ အလေ့အထ ရှိတယ်။ တစ်နေ့
ကျတော့ ဒကာက အခန့်မသင့် ဖြစ်နေတယ်။ ဆွမ်းက မမီဖြစ်နေတယ်။
ဆွမ်းက မမီဖြစ်နေတော့ ဒကာကလည်း ကြံရာမရဖြစ်တာနဲ့ "အရှင်ဘုရ
ား ဒီနေ့တော့ ဆွမ်းကလည်း အဆင်မပြေဖြစ်နေပြီ၊ ချက်မယ်ဆိုလည်း
မမီတော့ဘူး၊ ဒီတော့ အရှင်ဘုရား --- အရှင်ဘုရား ဆိုင်မှာ သွားပြီးတော့
ဒီနေ့ ဘုဉ်းမယ်ဆိုလို့ရှိရင် ဖြစ်နိုင်မလား? တပည့်တော် ဒီက ၀တ္ထုငွေများ
လှူလိုက်မယ်။" "ဟာ -- ဖြစ်တာပေါ့ ဖြစ်တာပေါ့"ဆိုတော့ --- ဒကာက
ငွေလှူလိုက်တယ်။ ဆိုင်မှာ သွားပြီးတော့ ဘုဉ်းလိုက်တယ်။ ဘုဉ်းလိုက်တဲ့
အခါကျတော့ ဒကာက ဘယ်လို သဘောပေါက်သလဲ။
သြော် ...တို့အာရုံငါးပါး ကာမဂုဏ်တရား ခံစားနေတဲ့ လူတွေလည်း
ငွေကို သာယာကြတယ်၊ နှစ်သက်ကြတယ်။ ဒီသာကီဝင်မင်းသား ဘုရား
သားတော်များလည်း ငွေကို သာယာကြတယ်၊ နှစ်သက်ကြတယ်။ တို့နဲ့ ဘာ
ထူးခြားလို့လဲဆိုပြီး -- ဒီလို ကဲ့ရဲ့တယ်။ အဲဒီအချိန်အခါမှာ မြတ်စွာဘုရား
သိရှိပြီး ဘုရားရှင်က ရဟန်း သံဃာအစည်းအဝေး ခေါ်ပြီးတော့ သိက္ခာပုဒ် မပညတ်ခင်ကလေးမှာ တရားဟောတယ်။ မေဏ္ဍက သုတ္တန်တစ်ခုမှာတော့ ပါပါတယ်။ "အကြင်ပုဂ္ဂိုလ်အား ရွှေငွေသည် အပ်၏။ ထိုပုဂ္ဂိုလ်အား ကာမဂုဏ်သည်လည်း အပ်တော့၏။ အကြင်ပုဂ္ဂိုလ်အား ကာမဂုဏ်သည် အပ်၏။ ထိုပုဂ္ဂိုလ်အား ရွှေငွေသည်လည်း အပ်တော့၏ ။" မိန့်တော်မူတယ်။
နောက်ထပ် သိက္ခာပုဒ်တစ်ခုကတော့ ၀ိသာခါတို့ရဲ့ အဖိုး
တော်တဲ့ မေဏ္ဍကသူဌေးကြီး ပေါ။့ မေဏ္ဍကသူဌေးကြီးက မြတ်စွာဘုရားကို
အကြောင်းသင့်လို့ လျှောက်ထားတယ်။
"မြတ်စွာဘုရား ...တပည့်တော်တို့ ကြည်ညိုလေးစားနေတဲ့ ရဟန်း
တော်ကလည်း တပည့်တော်တို့နဲ့ အနီးအနားမှာ မရှိဘူး၊ တော်တော်
ခပ်ဝေးဝေးမှာ ရှိနေတယ်။ တပည့်တော်တို့ကလည်း ထိုရဟန်းတော်အတွက်
လိုအပ်တဲ့ ပစ္စည်းလေးပါးကို လှူဒါန်းချင်တယ်။ အဲဒီလို လှူဒါန်းချင်ပေမယ့်လို့လည်း
တပည့်တော်တို့ကလည်း သွားရောက်ပြီး မလှူဒါန်းနိုင်ဘူး။ မလှူ
ဒါန်းနိုင်တဲ့အတွက်ကြောင့် တပည့်တော်တို့က ကပ္ပိယကာရက ဒကာတစ်ဦးဦး
ထံမှာ ရွှေငွေပစ္စည်းများကို အပ်နှံပြီးတော့ ထိုရွှေငွေမှ ဖြစ်ပေါ်လာမယ့်
ရဟန်းတော်နှင့် အပ်စပ်တဲ့ပစ္စည်းများကို လှူဒါန်းခဲ့မယ်ဆိုရင် မြတ်စွာဘုရား
ခွင့်ပြုတော်မူပါ"ဆိုပြီးတော့ လျှောက်ထားတယ်။
အဲဒီအခါမှာ မြတ်စွာဘုရားကလည်း ဒီအကြောင်း အတ္ထုပ္ပတ်ကို
အခြေခံပြီးတော့ ရဟန်းသံဃာ အစည်းအဝေး ခေါ်ပြီးတဲ့အခါကျတော့မှ
ရဟန်းတွေကို မြတ်စွာဘုရားက -

"ရဟန်းတို့ ...မည်သည့် နည်းပရိယာယ်နှင့်မျှ ရွှေငွေကို သာယာဖို့ရန်တော့
ငါဘုရား ခွင့်မပြုနိုင်ဘူး။ သို့သော် ထိုရွှေငွေမှ ဖြစ်ပေါ်လာမည့် ရဟန်းတော်
တို့နှင့် အပ်စပ်သော ပစ္စည်းများကိုတော့ သာယာဖို့ရန် အတွက်တော့
ငါဘုရား ခွင့်ပြုတယ်"ဆိုပြီး ဒီသိက္ခာပုဒ် ပညတ်ထားတယ်။
လောကမှာ ရွှေငွေရှိရင် ဘာကာမဂုဏ်လိုချင်သလဲ၊ လိုချင်တဲ့ ကာမဂုဏ်ကို ရနိုင်ပါတယ်။ ဒါကြောင့် ရွှေငွေသည် ရဟန်းတွေအား အပ်တယ်ဆိုရင် ကာမဂုဏ်လည်း အပ်တာပဲ။ ကာမဂုဏ်အပ်နေတဲ့ ပုဂ္ဂိုလ်မှာ ရွှေငွေလည်း အပ်တော့တာပဲဆိုပြီး ကာမဂုဏ်နဲ့ ရွှေငွေကို မြတ်စွာဘုရား တန်းတူထားပြီး ရှင်းပြထားတယ်။ ဒါကြောင့် အလှူခံရဟန်းတွေမှာ သီလပြည့်စုံနေမယ်ဆိုရင် မိမိချစ်မြတ်နိုးတဲ့ ဒကာ ဒကာမတွေမှာ အကျိုးစီးပွားများစွာ တိုးတက်စေပါတယ်။ တကယ်ဒကာ ဒကာမတွေကို အကျိုးများစေချင်ရင် ကျေးဇူးပြန်သိတတ်မယ်ဆိုရင် မိမိတို့ဘက်က သီလသိက္ခာပြည့်စုံဖို့ လိုအပ်ပါပေတယ်။
ကျမ်းကိုး -(ဇာ၊ဋ္ဌ-၂) (မဟာဝဂ်၊ ပါ)(ဒီ၊၃။၂၁၄)(အံ၊၂။၁၁၈)(သာရတ္တ၊ဋီ -၂၊ မေဏ္ဍကသိက္ခာပဒ)(ဓမ္မ၊ဋ္ဌ-၂)(ထီးချိုင့်မြို့ တည်တောဆရာတော် ဒါနဟူသည်)စသည်..။


 Ashin Nanissara